ಇಂಟರ್​​ನೆಟ್​ ಬಿಡಿ, ಫೋನ್​​ ಕಾಲ್​ಗೂ ನೆಟ್​ವರ್ಕ್​ ಇಲ್ಲ: ಈ ಜಿಲ್ಲೆಯ ಮಕ್ಕಳಿಗೆ Online ಶಿಕ್ಷಣ ಗಗನ ಕುಸುಮ

ಕೊರೊನಾ ವೈರಸ್​ ಜಗತ್ತಿಗೆ ಸಾವುನೋವಿನ ಹೊರತಾಗಿ ಏನೆಲ್ಲಾ ಕೊಟ್ಟಿದೆಯೋ ಗೊತ್ತಿಲ್ಲ. ಆದರೆ, ವರ್ಕ್​ ಫ್ರಂ ಹೋಂನ್ನು ಜನರಿಗೆ ಪರಿಚಯಿಸಿದೆ. ವಿದ್ಯಾರ್ಥಿಗಳು ಆನ್‌ಲೈನ್ ತರಗತಿ ಮತ್ತು ವರ್ಚುವಲ್ ಕಲಿಕಾ ವಿಧಾನಗಳಿಗೆ ಒಗ್ಗಿಕೊಳ್ಳುತ್ತಿದ್ದಾರೆ. ಹಲವು ಶಿಕ್ಷಣ ಸಂಸ್ಥೆಗಳು ಆನ್‌ಲೈನ್ ತರಗತಿಗಳನ್ನು ಈಗಾಗಲೇ ಪ್ರಾರಂಭಿಸಿವೆ. ಆದರೆ, ಭಾರತದ ಅನೇಕ ಹಳ್ಳಿಗಳಲ್ಲಿ ಆನ್‌ಲೈನ್ ತರಗತಿಗಳು ಗಗನ ಕುಸುಮವಾಗಿದೆ ಅನ್ನೋದಕ್ಕೆ ಈ ಜಿಲ್ಲೆ ಸಾಕ್ಷಿ..

ಕಿನ್ನೌರ್: ಇದು ಹಿಮಾಚಲ ಪ್ರದೇಶದ ಕಿನ್ನೌರ್ ಜಿಲ್ಲೆ. ಇಲ್ಲಿನ ಮಕ್ಕಳು ಸ್ಮಾರ್ಟ್ ಕ್ಲಾಸ್​ ಸೌಲಭ್ಯದಿಂದ ದೂರವೇ ಉಳಿದಿದ್ದಾರೆ. ಯಾವುದೇ ಅಡ್ಡಿಯಿಲ್ಲದೆ ಆನ್‌ಲೈನ್ ತರಗತಿಗಳನ್ನು ನಡೆಸಲು ವೇಗದ ಇಂಟರ್​ನೆಟ್ ಅಗತ್ಯ. ಆದರೆ, ಕಿನ್ನೌರ್ ಮತ್ತು ರಿಕಾಂಗ್‌ಪಿಯೊ ಗಡಿ ಪ್ರದೇಶಗಳಲ್ಲಿ, 4ಜಿ ಮಾತು ಬಿಡಿ, 2ಜಿ ಇಂಟರ್​ನೆಟ್ ಕೂಡಾ ದೊರಕೋದು ಕಷ್ಟ. ಹೀಗಾಗಿ ಈ ಪ್ರದೇಶದ ನೂರಾರು ವಿದ್ಯಾರ್ಥಿಗಳಿಗೆ ಆನ್‌ಲೈನ್ ಶಿಕ್ಷಣ ಕನಸಿನ ಮಾತಾಗಿದೆ.