ಒಳನುಸುಳುವಿಕೆ ತಡೆಯಲು ಭಾರತ ಬಹುಮುಖಿ ವಿಧಾನ ಅಳವಡಿಸಿಕೊಂಡಿದೆ: ನಿತ್ಯಾನಂದ್ ರಾಯ್​

ಜಮ್ಮು ಮತ್ತು ಕಾಶ್ಮೀರದಲ್ಲಿ ಭಯೋತ್ಪಾದಕರು ಒಳನುಸುಳುವ ನಿಯಮಿತ ಪ್ರಯತ್ನಗಳಿಗೆ ಗಡಿಯುದ್ದಕ್ಕೂ ಪ್ರಾಯೋಜಕತ್ವ ಮತ್ತು ಬೆಂಬಲವಿದೆ ಎಂದು ಗೃಹ ಖಾತೆ ರಾಜ್ಯ ಸಚಿವ ನಿತ್ಯಾನಂದ್ ರಾಯ್​ ಹೇಳಿದ್ದಾರೆ.

ನವದೆಹಲಿ: ಗಡಿಯಾಚೆಗಿನ ಒಳನುಸುಳುವಿಕೆಗಳನ್ನು ತಡೆಯಲು ಮತ್ತು ಪ್ರಾಂತ್ಯಗಳನ್ನು ಭದ್ರಪಡಿಸಿಕೊಳ್ಳಲು ಭಾರತ ಸರ್ಕಾರ ಬಹುಮುಖಿ ವಿಧಾನ ಅಳವಡಿಸಿಕೊಂಡಿದೆ ಎಂದು ಗೃಹ ಖಾತೆ ರಾಜ್ಯ ಸಚಿವ ನಿತ್ಯಾನಂದ್ ರಾಯ್​ ಹೇಳಿದ್ದಾರೆ.

ಲೋಕಸಭೆಯಲ್ಲಿ ಕೇಳಿದ ಪ್ರಶ್ನೆಗೆ ಲಿಖಿತ ಉತ್ತರದಲ್ಲಿ, ಅಂತಾರಾಷ್ಟ್ರೀಯ ಗಡಿಗಳಲ್ಲಿ ಗಡಿ ಕಾವಲು ಪಡೆಗಳನ್ನು ನಿಯೋಜಿಸುವುದು, ಗಸ್ತು ತಿರುಗುವುದು, ನಾಕಾಗಳನ್ನು ಹಾಕುವುದು, ಗಡಿಗಳಲ್ಲಿ ವೀಕ್ಷಣಾ ಪೋಸ್ಟ್‌ಗಳನ್ನು ನಿರ್ವಹಿಸುವುದು, ಬಾರ್ಡರ್​ ಪೋಸ್ಟ್‌ಗಳ ದುರ್ಬಲತೆ ಮ್ಯಾಪಿಂಗ್, ಕಣ್ಗಾವಲು ಉಪಕರಣಗಳ ನಿಯೋಜನೆ, ಗುಪ್ತಚರ ಜಾಲವನ್ನು ಬಲಪಡಿಸುವುದು, ಗಡಿ ಫೆನ್ಸಿಂಗ್ ಮತ್ತು ಫ್ಲಡ್‌ಲೈಟಿಂಗ್ ಮತ್ತು ನದಿ ಅಂತರಗಳಂತಹ ಕಾರ್ಯಸಾಧ್ಯವಲ್ಲದ ಪ್ರದೇಶಗಳಲ್ಲಿ ತಾಂತ್ರಿಕ ಪರಿಹಾರಗಳನ್ನು ನಿಯೋಜಿಸಲಾಗಿದೆ ಎಂದಿದ್ದಾರೆ.

ಜಮ್ಮು ಮತ್ತು ಕಾಶ್ಮೀರದಲ್ಲಿ ಭಯೋತ್ಪಾದಕರು ಒಳನುಸುಳುವ ನಿಯಮಿತ ಪ್ರಯತ್ನಗಳಿಗೆ ಗಡಿಯುದ್ದಕ್ಕೂ ಪ್ರಾಯೋಜಕತ್ವ ಮತ್ತು ಬೆಂಬಲವಿದೆ ಎಂದು ಅವರು ಹೇಳಿದರು. ಕಳೆದ 12 ತಿಂಗಳುಗಳಲ್ಲಿ 176 ಒಳನುಸುಳುವಿಕೆ ಪ್ರಯತ್ನಗಳು ನಡೆದಿವೆ ಎಂದು ಮಾಹಿತಿ ನೀಡಿದರು.

ಕಳೆದ 12 ತಿಂಗಳುಗಳಲ್ಲಿ (ಆಗಸ್ಟ್ 2019- ಜುಲೈ 2020) ಜಮ್ಮು ಮತ್ತು ಕಾಶ್ಮೀರದಲ್ಲಿ ಒಳನುಸುಳುವಿಕೆ ಮತ್ತು ಅಂದಾಜು ನಿವ್ವಳ ಒಳನುಸುಳುವಿಕೆಯ ಪ್ರಯತ್ನಗಳು ಇಂತಿವೆ

ಕ್ರ.ಸಂ	ತಿಂಗಳು	ಒಳನುಸುಳುವಿಕೆ ಪ್ರಯತ್ನಗಳು	ಅಂದಾಜು ನಿವ್ವಳ ಒಳನುಸುಳುವಿಕೆಯ ಪ್ರಯತ್ನಗಳು
1	ಆಗಸ್ಟ್​ 2019	48	32
2	ಸೆಪ್ಟೆಂಬರ್ 2019	40	36
3	ಅಕ್ಟೋಬರ್ 2019	26	12
4	ನವೆಂಬರ್ 2019	6	0
5	ಡಿಸೆಂಬರ್ 2019	9	3
6	ಜನವರಿ 2020	3	3
7	ಫೆಬ್ರವರಿ 2020	0	0
8	ಮಾರ್ಚ್​​ 2020	3	3
9	ಏಪ್ರಿಲ್ 2020	23	18
10	ಮೇ 2020	8	4
11	ಜೂನ್ 2020	0	0
12	ಜುಲೈ 2020	10	0
ಒಟ್ಟು		176	111