ಜಮ್ಮು: ಗಡಿ ಭದ್ರತಾ ಪಡೆಯ ಮುಖ್ಯಸ್ಥ ರಾಕೇಶ್ ಅಸ್ತಾನಾ ಇಂಡೋ- ಪಾಕ್ ಗಡಿಯಲ್ಲಿರುವ ಕೆಲವು ಪ್ರದೇಶಗಳ ನಾಲ್ಕು ದಿನಗಳ ಪ್ರವಾಸವನ್ನು ಮುಕ್ತಾಯಗೊಳಿಸಿದ್ದಾರೆ.
ಸೆಪ್ಟೆಂಬರ್ 4ರಂದು ಜಮ್ಮು-ಸಾಂಬಾ ಮತ್ತು ಪೂಂಚ್-ರಜೌರಿ ವಲಯಗಳಲ್ಲಿನ ಅಂತಾರಾಷ್ಟ್ರೀಯ ಗಡಿ ನಿಯಂತ್ರಣ ರೇಖೆ (ಎಲ್‌ಒಸಿ) ಸೇರಿದಂತೆ ಬಿಎಸ್ಎಫ್ನ ಕಾರ್ಯಾಚರಣೆಯ ಪ್ರದೇಶಕ್ಕೆ (ಎಒಆರ್) ರಾಕೇಶ್ ಅಸ್ತಾನಾ ಭೇಟಿ ನೀಡಿದ್ದರು. ಇವರ ಜೊತೆಗೆ ಪಶ್ಚಿಮ ಕಮಾಂಡ್ನ ಹೆಚ್ಚುವರಿ ಡಿಜಿ ಮತ್ತು ಬಿಎಸ್ಎಫ್ನ ಐಜಿ ಮುಂತಾದವರು ಸಾಥ್ ನೀಡಿದ್ದರು.
ಭೇಟಿಯ ವೇಳೆ ಗಡಿ ಪ್ರದೇಶಗಳಲ್ಲಿನ ಸವಾಲುಗಳು ಹಾಗೂ ಅಲ್ಲಿನ ಪರಿಸ್ಥಿತಿಯ ಪರಿಶೀಲನೆ ನಡೆಸಿದರು. ಯೋಧರೊಂದಿಗೆ ಸಂವಾದದಲ್ಲಿ ಪಾಲ್ಗೊಂಡ ಅವರು, ಗಡಿಯಲ್ಲಿ ಯೋಧರ ಕಾರ್ಯಕ್ಕೆ ಶ್ಲಾಘನೆ ವ್ಯಕ್ತಪಡಿಸಿದರು.
ಇದರ ಜೊತೆಗೆ ಎಲ್ಲಾ ವೇಳೆಯಲ್ಲೂ ಎಚ್ಚರದಿಂದಿರಲು ಸೂಚನೆ ನೀಡಿದ ಅವರು, ಬಿಎಸ್ಎಫ್ ಶಿಸ್ತುಬದ್ಧ ಪಡೆಯಾಗಿದ್ದು, ಇತ್ತೀಚಿನ ಸಾಹಸ ಕಾರ್ಯಗಳು ಬಿಎಸ್ಎಫ್ನ ದೇಶ ಪ್ರೇಮವನ್ನು ಬಿಂಬಿಸುತ್ತದೆ ಎಂದು ಅಭಿಪ್ರಾಯಪಟ್ಟರು. ಅದರೊಂದಿಗೆ ಬಿಎಸ್ಎಫ್ನ ಯೋಧರ ಕಲ್ಯಾಣಕ್ಕೆ ಕೆಲಸ ಮಾಡುವುದಾಗಿ ಭರವಸೆ ನೀಡಿದ್ದಾರೆ.
