ವಿಶ್ವದಾದ್ಯಂತ ಕೊಲ್ಲಲ್ಪಟ್ಟ ಪತ್ರಕರ್ತರ ಸಂಖ್ಯೆ ಎಷ್ಟು ಗೊತ್ತಾ?... ವರದಿ ಪ್ರಕಟಿಸಿದ ಐಎಸ್​ಜೆ

ವಿಶ್ವದಾದ್ಯಂತ ಕಾರ್ಯನಿರತ ಪತ್ರಕರ್ತರ ಮೇಲಿನ ಹಲ್ಲೆ, ಕೊಲೆ ಹಾಗೂ ಬಂಧನ ಸಂಬಂಧ ಐಎಫ್​​ಜೆ ಸಂಸ್ಥೆ ತನ್ನ ವಾರ್ಷಿಕ ವರದಿ ಪ್ರಕಟಿಸಿದೆ.

ಇತ್ತೀಚೆಗಿನ ದಿನಗಳಲ್ಲಿ ಪತ್ರಕರ್ತರ ಮೇಲಿನ ಹಲ್ಲೆ ಸಂಬಂಧ ಇಂಟರ್​​ನ್ಯಾಷನಲ್​ ಫೆಡರೇಶನ್ ಆಫ್ ಜರ್ನಲಿಸ್ಟ್ ಸಂಸ್ಥೆ ಅಂಕಿ ಅಂಶಗಳ ಬಿಡುಗಡೆ ಮಾಡಿದ್ದು, ಆತಂಕಕಾರಿ ಮಾಹಿತಿ ಹೊರಬಿದ್ದಿದೆ.

2020ರಲ್ಲಿ ವಿಶ್ವದಾದ್ಯಂತ ಒಟ್ಟು 65 ಪತ್ರಕರ್ತರು ಮತ್ತು ಮಾಧ್ಯಮ ಕಾರ್ಯಕರ್ತರು ಕರ್ತವ್ಯ ನಿರ್ವಹಿಸುವಾಗಲೇ ಕೊಲ್ಲಲ್ಪಟ್ಟರು ಎಂದು ತಿಳಿಸಿದೆ. ಅದು 2019ಕ್ಕೆ ಹೋಲಿಸಿದರೆ 17 ಮಂದಿ ಹತ್ಯೆ ಹೆಚ್ಚಾಗಿದೆ, ಮತ್ತು 1990ರ ದಶಕದಲ್ಲಿ ಸಾವಿನ ಸಂಖ್ಯೆ ಅದೇ ಮಟ್ಟದಲ್ಲಿದೆ ಎಂದು ಫೆಡರೇಶನ್ ಶುಕ್ರವಾರ ತನ್ನ ವಾರ್ಷಿಕ ವರದಿಯ ವಿವರಗಳನ್ನು ಪ್ರಕಣೆಯಲ್ಲಿ ತಿಳಿಸಿದೆ. ಇದಲ್ಲದೆ 200ಕ್ಕೂ ಹೆಚ್ಚು ಪತ್ರಕರ್ತರು ತಮ್ಮ ಕೆಲಸದಿಂದಾಗಿ ಪ್ರಸ್ತುತ ಜೈಲಿನಲ್ಲಿದ್ದಾರೆ ಎಂದು ಐಎಫ್‌ಜೆ ವರದಿ ಮಾಡಿದೆ.

1990ರಲ್ಲಿ ಐಎಫ್‌ಜೆ ವರದಿ ಪ್ರಕಟಿಸಲು ಪ್ರಾರಂಭಿಸಿದಾಗಿನಿಂದ ಒಟ್ಟು 2,680 ಪತ್ರಕರ್ತರು ಕೊಲ್ಲಲ್ಪಟ್ಟಿದ್ದಾರೆ. ‘ಮೆಕ್ಸಿಕೊದಲ್ಲಿ ನಿರ್ದಯ ಆಡಳಿತ, ಪಾಕಿಸ್ತಾನ, ಅಫ್ಘಾನಿಸ್ತಾನ ಮತ್ತು ಸೊಮಾಲಿಯಾದಲ್ಲಿ ಉಗ್ರಗಾಮಿಗಳ ಹಿಂಸಾಚಾರ, ಹಾಗೆಯೇ ಭಾರತ ಮತ್ತು ಫಿಲಿಪೈನ್ಸ್‌ನಲ್ಲಿ ಕಠಿಣವಾದಿಗಳ ಅಸಹಿಷ್ಣುತೆ ಮಾಧ್ಯಮಗಳಲ್ಲಿ ನಿರಂತರ ರಕ್ತಪಾತಕ್ಕೆ ಕಾರಣವಾಗಿದೆ’ ಎಂದು ಐಎಫ್‌ಜೆ ಪ್ರಧಾನ ಕಾರ್ಯದರ್ಶಿ ಆಂಥೋನಿ ಬೆಲ್ಲಾಂಜರ್ ಹೇಳಿದ್ದಾರೆ.

5 ವರ್ಷಗಳಲ್ಲಿ 4ನೇ ಬಾರಿಗೆ, 14 ಕೊಲೆಗಳೊಂದಿಗೆ ಮೆಕ್ಸಿಕೊ ಹೆಚ್ಚು ಪತ್ರಕರ್ತರು ಕೊಲ್ಲಲ್ಪಟ್ಟ ದೇಶಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ.ಅದರ ನಂತರ ಅಫ್ಘಾನಿಸ್ತಾನದಲ್ಲಿ 10 ಸಾವುಗಳು ಸಂಭವಿಸಿದವು; ಪಾಕಿಸ್ತಾನದಲ್ಲಿ 9, ಭಾರತದಲ್ಲಿ 8, ಫಿಲಿಪೈನ್ಸ್ ಮತ್ತು ಸಿರಿಯಾದಲ್ಲಿ ತಲಾ ನಾಲ್ವರು ಮತ್ತು ನೈಜೀರಿಯಾ ಮತ್ತು ಯೆಮನ್‌ನಲ್ಲಿ ತಲಾ ಮೂವರು ಸಾವಿಗೀಡಾಗಿದ್ದಾರೆ.

ಇರಾಕ್, ಸೊಮಾಲಿಯಾ ಎರಡರಲ್ಲೂ ತಲಾ ಎರಡು ಹತ್ಯೆಗಳು ನಡೆದರೆ, ಇದೇ ವೇಳೆಗೆ ಬಾಂಗ್ಲಾದೇಶ, ಕ್ಯಾಮರೂನ್, ಹೊಂಡುರಾಸ್, ಪರಾಗ್ವೆ, ರಷ್ಯಾ ಮತ್ತು ಸ್ವೀಡನ್ ದೇಶಗಳಲ್ಲಿ ತಲಾ ಒಬ್ಬ ಪತ್ರಕರ್ತ ಸಾವಿಗೀಡಾಗಿದ್ದಾನೆ.

ಪತ್ರಕರ್ತರು ತಮ್ಮ ಕೆಲಸದಿಂದಾಗಿ ಮಾರ್ಚ್ 2021ರ ಹೊತ್ತಿಗೆ ವಿಶ್ವದಾದ್ಯಂತ ಜೈಲಿನಲ್ಲಿದ್ದರು. ಫೆಡರೇಶನ್ ಟರ್ಕಿ ವಿಶ್ವದ ಪತ್ರಕರ್ತರ ಅತಿದೊಡ್ಡ ಜೈಲರ್ ಎಂದು ಹೇಳಿದೆ - ಕನಿಷ್ಠ 67 ಮಾಧ್ಯಮ ಕಾರ್ಯಕರ್ತರನ್ನು ಅಲ್ಲಿ ಜೈಲಿನಲ್ಲಿರಿಸಲಾಗಿದೆ. ಅದರ ನಂತರ ಚೀನಾದಲ್ಲಿ 23, ಈಜಿಪ್ಟ್‌ನಲ್ಲಿ 20, ಎರಿಟ್ರಿಯಾದಲ್ಲಿ 16 ಮತ್ತು ಸೌದಿ ಅರೇಬಿಯಾದಲ್ಲಿ 14 ಪತ್ರಕರ್ತರನ್ನು ಬಂಧಿಸಲಾಗಿದೆ.

ಪ್ರಸ್ತುತ ಜೈಲಿನಲ್ಲಿರುವವರಲ್ಲಿ ಅಸೋಸಿಯೇಟೆಡ್ ಪ್ರೆಸ್ ಪತ್ರಕರ್ತ ಥೀನ್ ಝಾ, ಮಿಲಿಟರಿಯ ಅಧಿಕಾರವನ್ನು ವಶಪಡಿಸಿಕೊಳ್ಳುವುದರ ವಿರುದ್ಧ ಪ್ರತಿಭಟಿಸಿದ್ದ ಕಾರಣದಿಂದಾಗಿ ಮಯನ್ಮಾರ್‌ನಲ್ಲಿ ಬಂಧಿಸಲ್ಪಟ್ಟಿದ್ದಾನೆ. ಮಯನ್ಮಾರ್‌ನ ನ್ಯಾಯಾಲಯವು ತನ್ನ ವಿಚಾರಣೆಯ ಪೂರ್ವ ಬಂಧನ ಅವಧಿಯನ್ನು ಶುಕ್ರವಾರ ವಿಸ್ತರಿಸಿದೆ.

32 ವರ್ಷದ ಥೀನ್ ಝಾ ಮತ್ತು ಕನಿಷ್ಠ 6 ಇತರ ಮಾಧ್ಯಮಗಳ ಮೇಲೆ ಸಾರ್ವಜನಿಕ ಆದೇಶದ ಕಾನೂನನ್ನು ಉಲ್ಲಂಘಿಸಿದ ಆರೋಪವಿದೆ ಎಂದು ಅವರ ವಕೀಲ ಮತ್ತು ರಾಜಕೀಯ ಕೈದಿಗಳ ಸ್ವತಂತ್ರ ಸಹಾಯ ಸಂಘ ತಿಳಿಸಿದೆ. ಫೆಬ್ರವರಿ 1 ರಂದು ಮಯನ್ಮಾರ್‌ನ ಮಿಲಿಟರಿ ಚುನಾಯಿತ ಸರ್ಕಾರವಾದ ಆಂಗ್ ಸಾನ್ ಸೂಕಿ ಅಧಿಕಾರಕ್ಕೆ ಬಂದ ನಂತರ 38 ಪತ್ರಕರ್ತರನ್ನು ಬಂಧಿಸಲಾಗಿದೆ. ಮತ್ತು 19 ಮಂದಿ ಇಂದಿಗೂ ಜೈಲಿನಲ್ಲಿದ್ದಾರೆ.