અંકલેશ્વરમાં જમણી સૂંઢવાળા ક્ષિપ્રા ગણેશના દર્શનાર્થે ભક્તોની ભીડ જામી

અંકલેશ્વર: પૌરાણિક રામકુંડમાં ક્ષિપ્રા ગણેશજીનું મંદિર આવેલું છે. ગૌતમ ગોત્રના ગણેશજીનું જૂનું મંદિર જર્જરિત થતા નવા મંદિરનું નિર્માણ કરવામાં આવ્યુ હતુ. આ મંદિર ભક્તોની આસ્થાનું કેન્દ્ર છે.જેમાં જમણી સૂંઢ ધરાવતા ગણેશજી બિરાજમાન છે.માન્યતા છે કે, આ મંદિરે કોઈ પણ વસ્તુનું તુરંત જ ફળ મળે છે.અહીં સવાર સાંજ સમૂહ આરતી કરવામાં આવે છે, જેનો ભક્તો લાભ લઈ રહ્યા છે.