કેશુભાઇ પટેલનું અવસાન : ગારિયાધારના ધારાસભ્ય કેશુ નાકરાણીએ આપી શ્રદ્ધાંજલિ

ભાવનગર : ગુજરાતના પૂર્વ મુખ્યપ્રધાન કેશુભાઈ પટેલનાં નિધનના સમાચાર મળતા ભાજપના કાર્યકરોમાં શોકની લાગણી ફેલાઈ ગઇ હતી. ગઢડા બેઠક માટે પ્રચાર અર્થે ઘોળા ખાતે ગારિયાધારના ધારાસભ્ય કેશુ નાકરાણી દ્વારા શ્રદ્ધાંજલિ અર્પિત કરી ગુરુવારના ચૂંટણી પ્રચાર, પ્રસાર કાર્યક્રમ તથા સભાઓ રદ્દ કરવામાં આવી હતી. આ સાથે ખેડૂતો માટે હંમેશા તત્પર રહેતા કેશુભાઈ પટેલના અવસાન પર ગારિયાધારના ધારાસભ્ય કેશુ નાકરાણીએ ભગવાન તેમના આત્માને શાંતિ આપે તેવી પ્રાર્થના કરી હતી.