વડોદરાના દરજીપુરા ગામમાં વિકાસ ન થતાં ગ્રામજનોમાં રોષ ફેલાયો, ચૂંટણી બહિષ્કારની ચીમકી ઉચ્ચારી

વડોદરા : શહેરના દરજીપુરા ગામમાં વિકાસ ન થતા ગ્રામજનોમાં આક્રોશ ફેલાયો છે. ગ્રામજનોએ ઉગ્ર સુત્રોચ્ચારો કરી આગામી પાલિકાઓની ચૂંટણીનો બહિષ્કાર કરવાની ચીમકી ઉચ્ચારી છે. વર્ષ 2015થી મેયર, ધારાસભ્ય કે સત્તાધારી પક્ષના મહાનુભાવો આ ગામમાં ફરક્યા નહીં હોવાના આક્ષેપ ગ્રામજનોએ કર્યા છે. પાણી, ડ્રેનેજ, રોડ રસ્તા સહિતની પ્રાથમિક સુવિધા નહીં મળતાં અનેક વખત તંત્રને રજૂઆત કરવામાં આવી હતી. તેમ છતાં કોઈ નિરાકરણ કરવામાં નહીં આવતાં ગ્રામજનોમાં આક્રોશ ફેલાયો છે.