નકલી પોલીસનો સ્વાંગ રચી લોકોને લૂંટતા બે શખ્સની વડોદરા પોલીસે કરી ધરપકડ

વડોદરા: શહેરમાં પોલીસનો રોફ જમાવી લોકોને લૂંટતા બે શખ્સોને અસલી પોલીસે ઝડપી લીધા છે. વડોદરા શહેરના નિઝામપુરા વિસ્તારમાં જાહેર માર્ગ પર પોલીસનો રોફ જમાવી લોકોને રોકી ટ્રાફિક નિયમનનો પાઠ સમજાવી લૂંટતા બે શખ્સોને પોલીસે ઝડપી બરાબર પાઠ ભણાવ્યો હતો. મળતી માહિતી મુજબ વડોદરા શહેરના નિઝામપુરા વિસ્તારમાં ટ્રાફિક પોલીસના વેશમાં વાહન ચાલકોનું ચેકિંગ કરતા બે શખ્સોને ફતેગંજ પોલીસે બાતમીના આધારે ઝડપી પાડયા હતા. આ બનાવમાં નકલી ટ્રાફિક પોલીસ મુકેશ બામાણિયા અને જગદીશ પુવારની પોલીસે ધરપકડ કરી કાયદેસરની કાર્યવાહી હાથ ધરી હતી.