બ્રાઝિલ : વડાપ્રધાન નરેન્દ્ર મોદી તેમની ત્રણ દેશોની મુલાકાતના બીજા તબક્કામાં આજે સોમવારના રોજ બ્રાઝિલ પહોંચ્યા છે. જ્યાં તેઓ G20 સમિટમાં ભાગ લેશે. નાઇજીરીયાનો પ્રવાસ પૂર્ણ કર્યા પછી પીએમ મોદી દક્ષિણ અમેરિકન દેશમાં પહોંચ્યા હતા. જ્યાં તેમણે રાષ્ટ્રપતિ બોલા અહેમદ ટીનુબુ સાથે દ્વિપક્ષીય વાટાઘાટો કરી અને ભારતીય સમુદાય સાથે વાતચીત કરી હતી.
બ્રાઝિલમાં પીએમ મોદીનું આગમન : બ્રાઝિલમાં પીએમ મોદીના આગમનની જાહેરાત કરતા વિદેશ મંત્રાલયે X પર એક પોસ્ટમાં જણાવ્યું હતું કે, "વડાપ્રધાન નરેન્દ્ર મોદી G20 બ્રાઝિલ સમિટમાં ભાગ લેવા માટે બ્રાઝિલના વાઇબ્રન્ટ શહેર રિયો ડી જાનેરોમાં ઉતર્યા છે." આ સાથે તેમણે એરપોર્ટ પર પીએમ મોદીના સ્વાગતની તસવીરો પણ શેર કરી છે.
Landed in Rio de Janeiro, Brazil to take part in the G20 Summit. I look forward to the Summit deliberations and fruitful talks with various world leaders. pic.twitter.com/bBG4ruVfOd
— Narendra Modi (@narendramodi) November 18, 2024
પીએમ મોદીની પોસ્ટ : બ્રાઝિલમાં આગમનની જાહેરાત કરતા પીએમ મોદીએ તેમના સત્તાવાર X હેન્ડલ પર એક પોસ્ટમાં જણાવ્યું હતું કે, "G20 સમિટમાં ભાગ લેવા માટે બ્રાઝિલના રિયો ડી જાનેરોમાં ઉતર્યા. હું વિશ્વના વિવિધ નેતાઓ સાથે સમિટની ચર્ચા અને ફળદાયી વાટાઘાટોની રાહ જોઈ રહ્યો છું."
19મી G20 સમિટ : બ્રાઝિલમાં પીએમ મોદી ટ્રોઇકાના સભ્ય તરીકે 19મી G20 સમિટમાં ભાગ લેશે. બ્રાઝિલ અને દક્ષિણ આફ્રિકાની સાથે ભારત G20 ટ્રોઇકાનો ભાગ છે. પીએમ મોદીની સાથે ચીનના રાષ્ટ્રપતિ શી જિનપિંગ અને તેમના યુએસ સમકક્ષ જો બાઈડેન 18-19 નવેમ્બરના રોજ રિયો ડી જાનેરો સમિટમાં ભાગ લેનારા નેતાઓમાં સામેલ થશે.
વડાપ્રધાન મોદીએ શનિવારના રોજ પ્રસ્થાન પહેલાના નિવેદનમાં કહ્યું, "આ વર્ષે બ્રાઝિલે ભારતના વારસા પર નિર્માણ કર્યું છે. હું અર્થપૂર્ણ ચર્ચા માટે આતુર છું જે 'એક પૃથ્વી, એક પરિવાર, એક ભવિષ્ય' ના અમારા વિઝનને જાળવી રાખશે. હું પણ તકનો ઉપયોગ કરીશ. અન્ય કેટલાક નેતાઓ સાથે દ્વિપક્ષીય સહયોગને આગળ વધારવા અંગે વિચારોનું આદાનપ્રદાન કરવા."
