અમદાવાદ : આજે 31 જાન્યુઆરી, શુક્રવારના રોજ ચંદ્ર કુંભ રાશિમાં છે. આ રાશિફળમાં આપણે જાણીશું કે કઈ રાશિના જાતકોનું આજનો દિવસ સારો રહેશે. કાર્યક્ષેત્રમાં બધી બાર રાશિઓનો દિવસ કેવો પસાર થશે. કોને મળશે પાર્ટનરનો સાથ. આજનું રાશિફળ ચંદ્ર પર આધારિત છે.
મેષ: ચંદ્રનું ભ્રમણ આજે કુંભ રાશિમાં છે જે આપની રાશિથી એકાદશ ભાવમાં છે. આજનો દિવસ આપ સામાજિક કાર્યો અને મિત્રો સાથેની દોડધામમાં વ્યતીત કરશો. આપના મિત્ર વર્તુળમાં નવા મિત્રોનો ઉમેરો થશે, મિત્રો પાછળ ધનખર્ચ થાય. વડીલવર્ગ તરફથી લાભ થાય અને તેમનો સહકાર મળે. આકસ્મિક ધનલાભ મનની પ્રસન્નતા વધારશે. દૂર રહેતા સંતાનોના શુભ સમાચાર જાણવા મળે. પ્રવાસ પર્યટનનું સફળતાપુર્વક આયોજન કરી શકો.
વૃષભ: ચંદ્રનું ભ્રમણ આજે કુંભ રાશિમાં છે જે આપની રાશિથી દશમ ભાવમાં છે. નોકરી તેમજ વ્યવસાયના સ્થળે પદોન્નતિના સમાચાર મળે. ઉપરી અધિકારીઓનો સાથ સહકાર મળશે. સરકારી નિર્ણય આપની તરફેણમાં આવતાં લાભ મળે. ગૃહસ્થજીવનમાં સુખશાંતિ રહે. નવા કાર્યોનું આયોજન હાથ ધરશો. અધુરાં કાર્યો પૂર્ણ થશે. દાંપત્યજીવનમાં મધુરતા રહેશે. તંદુરસ્તી જળવાશે. ધન અને માન સન્માનની પ્રાપ્તિ થાય. વેપારીઓને ઉઘરાણીના નાણાં સૂલ કરવા માટે અનુકૂળ દિવસ છે.
મિથુન: ચંદ્રનું ભ્રમણ આજે કુંભ રાશિમાં છે જે આપની રાશિથી નવમ ભાવમાં છે. દિવસ દરમ્યાન આપને થોડીક પ્રતિકૂળતા અને થોડી અનુકૂળતા વચ્ચે પસાર થાય. શરીરમાં સ્ફૂર્તિ અને ચુસ્તિનું સ્તર જાળવી રાખવા માટે પુરતી ઉંઘ અને પૌષ્ટિક આહાર લેવાની સલાહ છે. ધાર્યું કામ પાર પાડવા માટે પણ તમારે થોડા પ્રયાસો વધારવા પડશે. માનસિક ચિંતાથી વ્યગ્રતા અનુભવશો માટે મન પ્રફુલ્લિત રહે તેવી પ્રવૃત્તિઓમાં ભાગ લેવો. આપના નોકરી વ્યવસાયના સ્થળે પણ સહકર્મચારીઓનો સહકાર અપેક્ષા કરતા ઓછો રહે. ઉપરી અધિકારીઓ સાથે વાદ વિવાદમાં ન ઉતરવાની સલાહ આપવામાં આવે છે. પ્રતિસ્પર્ધીઓથી ચેતતા રહેવું.
કર્ક: ચંદ્રનું ભ્રમણ આજે કુંભ રાશિમાં છે જે આપની રાશિથી અષ્ટમ ભાવમાં છે. આજના દિવસે તમારે નકારાત્મક વલણ છોડવાનું રહેશે. અન્યથા માનસિક દ્વિધા વચ્ચે તમે અગત્યના કાર્યોમાં ધ્યાન નહીં આપી શકો. ક્રોધને અંકુશમાં રાખવો. આરોગ્ય અંગેની સંભાળ પણ વધારવાની સલાહ છે. અતિ કામથી દૂર રહેવું અને ખોટા કાર્યોથી દૂર રહેવું. આજે વાણી પર સંયમ રાખવો પડશે. કુટુંબીજનો સાથે ઝઘડો કે વિવાદની નોબત ટાળવી પડશે. કોઈપણ વિપરિત સ્થિતિથી બચવા માટે શક્ય હોય તો મૌન રહેવું અને ઉગ્ર દલીલોથી દૂર રહેવું. નાણાંભીડ રહી શકે છે. આ સમયે તમે આધ્યાત્મિકતાનો સહારો લઈ શકો છો.
સિંહ: ચંદ્રનું ભ્રમણ આજે કુંભ રાશિમાં છે જે આપની રાશિથી સપ્તમ ભાવમાં છે. આજે આપના દાંપત્યજીવનમાં નજીવી બાબતમાં પારસ્પરિક સહકાર વધારવાની સલાહ છે. શક્ય હોય ત્યાં સુધી તમારા સાથીને વધુ સમય આપવો. પતિ- પત્ની બંનેને એકબીજાના સ્વાસ્થ્યની સંભાળ લેવાની ટકોર કરવામાં આવે છે. વેપારીઓએ ભાગીદારો સાથે ધીરજથી કામ લેવું. જાહેરજીવનમાં ખોટુ કામ કરવાથી દૂર રહેજો અન્યથા તમારી પ્રતિષ્ઠાને ઠેસ પહોંચી શકે છે. વિજાતીય પાત્રો સાથેની મુલાકાત બહુ આનંદદાયક ન રહે.
કન્યા: ચંદ્રનું ભ્રમણ આજે કુંભ રાશિમાં છે જે આપની રાશિથી ષષ્ટમ ભાવમાં છે. આજે આપને દરેક બાબતમાં સાનુકૂળતાનો અનુભવ થશે. ઘરમાં સુખ શાંતિ સ્થપાય, જેથી મન પ્રસન્ન રહે. સુખપ્રદ બનાવો બને. આરોગ્ય જળવાય. માંદા માણસોના આરોગ્યમાં સુધારો થાય. આર્થિક લાભની પ્રાપ્તિ થાય. કાર્યક્ષેત્રે પણ બધાનો સાથ સહકાર મળી રહેશે. હરીફો સાથેનો પડકાર ઝીલવામાં સફળતા મળશે.
તુલા: ચંદ્રનું ભ્રમણ આજે કુંભ રાશિમાં છે જે આપની રાશિથી પંચમ ભાવમાં છે. બૌદ્ધિક પ્રવૃત્તિઓ અને ચર્ચા આજે અગ્રસ્થાને રહેશે. આપની કલ્પના અને સર્જનશક્તિને સારી રીતે કામે લગાડી શકશો. સંતાનોની પ્રગતિથી સંતોષ અનુભવશો. વ્યર્થ વાદવિવાદ કે ચર્ચામાં ન પડવાની સલાહ આપવામાં આવે છે. આરોગ્યની બાબતમાં પાચનતંત્રને લગતી સમસ્યાઓ રહેશે. પ્રિયપાત્ર સાથેનું મિલન સુખદ રહેશે.
વૃશ્ચિક: ચંદ્રનું ભ્રમણ આજે કુંભ રાશિમાં છે જે આપની રાશિથી ચતુર્થ ભાવમાં છે. માનસિક અને શારીરિક સ્વસ્થતા અગાઉની તુલનાએ ઓછી રહેશે. આપ્તજનો સાથે વાણી અને વર્તનમાં વધુ સહકારની ભાવના રાખવી અને દરેકને પુરતો આદર આપવો. આર્થિક વ્યવહારોમાં અને ખર્ચ અથવા રોકાણના નિર્ણયોમાં સમજી-વિચારીને આગળ વધવાની સલાહ છે. જાહેરજીવનમાં વધુ પડતી પ્રતિષ્ઠાની દોડમાં જોડાવું નહીં. જમીન, વાહન વગેરેનો સોદો કરવાનું કે તેના દસ્તાવેજ કરવાનું ટાળવાની સલાહ છે. સ્ત્રીવર્ગ તથા પાણીથી નુકસાન થવાની શક્યતા છે.
ધન: ચંદ્રનું ભ્રમણ આજે કુંભ રાશિમાં છે જે આપની રાશિથી તૃતીય ભાવમાં છે. ગૂઢ રહસ્યમય વિદ્યાઓ અને આધ્યાત્મ તરફ આપનું વિશેષ આકર્ષણ રહે. નવા કામની શરૂઆત માટે શુભ સમય છે. મિત્રો અને સગાં સ્નેહીઓના આગમનથી ઘરમાં પ્રસન્નતા રહે. હાથમાં લીધેલું કાર્ય સફળતાથી પૂર્ણ થાય. ટૂંકો પ્રવાસ થાય. ધનલાભના યોગ છે. નાના ભાઇ- બહેનો સાથે સુમેળ રહે. માન પ્રતિષ્ઠામાં વધારો થાય. પ્રિયપાત્ર સાથે મુલાકાત સંભવિત બને.
મકર: ચંદ્રનું ભ્રમણ આજે કુંભ રાશિમાં છે જે આપની રાશિથી દ્વિતિય ભાવમાં છે. આપને વાણી અને વર્તનમાં સંયમ રાખશો તો ઘણી મુશ્કેલીઓ આવતા પહેલા જ અટકાવી શકશો. પરિવારજનો સાથે મનદુ:ખ ટાળવા માટે તેમની દરેક જરૂરિયાતોને સંતોષવાનો પ્રયાસ કરવો. શેર સટ્ટામાં મૂડીરોકાણ કરવાનું આયોજન કરશો. આર્થિક લાભ થાય. આરોગ્ય અંગે થોડી કાળજી લેવાની સલાહ છે. આંખમાં કોઇ તકલીફ હોય તેમણે વધુ ધ્યાન આપફવું. નકારાત્મક વલણ દૂર કરવાથી ફાયદો થશે. વિદ્યાર્થીઓને અભ્યાસમાં વધારે ધ્યાન રાખવું પડે.
કુંભ: ચંદ્રનું ભ્રમણ આજે કુંભ રાશિમાં છે જે આપની રાશિથી પ્રથમ ભાવમાં છે. શારીરિક માનસિક રીતે આપનો દિવસ પ્રફુલ્લિત રહેશે. સગાં સ્નેહીઓ તેમજ મિત્રો અને પરિવારના સભ્યો સાથે ઘરમાં ઉત્સવનું વાતાવરણ રહેશે. સુરૂચિપૂર્ણ અને મિષ્ટ ભોજનનો આસ્વાદ માણશો. હરવા ફરવાનો અને પર્યટનનો કાર્યક્રમ યોજાય આર્થિક દૃષ્ટિએ લાભદાયી દિવસ છે. અધ્યાત્મ અને ચિંતનમાં ઉંડો રસ લેશો.
મીન: ચંદ્રનું ભ્રમણ આજે કુંભ રાશિમાં છે જે આપની રાશિથી દ્વાદશ ભાવમાં છે. આર્થિક બાબતોનું આયોજન અને મૂડી રોકાણ કરતી વખતે ખૂબ ધ્યાન રાખવાની સલાહ આપવામાં આવે છે. કોઈપણ નિર્ણય લેવામાં તમારે એકાગ્રતા વધારવી પડશે. ધાર્મિક કાર્યો પાછળ ખર્ચ થશે. મિત્રો તેમજ સ્વજનો સાથે મતભેદ ટાળવા માટે શાંતિથી વર્તન કરવું અને વાતચીતમાં સ્પષ્ટતા રાખવી. લાલચવૃત્તિ આપને નુકસાનીમાં ન ધકેલે તેનું ધ્યાન રાખવું જામીનગીરી કે કોર્ટ કચેરીના મામલામાં ન પડવું યોગ્ય રહેશે.
