કપરાડાના મંડવા નજીક ટ્રક વીજપોલ સાથે અથડાતા આગ લાગી, કોઈ જાનહાની નહીં

વલસાડઃ જિલ્લાના વાપીથી ટ્રાન્સફોર્મર ભરીને નાસિક તરફ જઇ રહેલી ટ્રક કપરાડા તાલુકાના માંડવા ગામ નજીક રોડની સાઈડમાં ઉતરી ગઇ હતી અને વીજપોલ સાથે અથડાતા કેબિનમાં આગ લાગી હતી. ટ્રકચાલક સમયસૂચકતા વાપરી કેબિનમાંથી બહાર નીકળી ગયો હતો. આગને પગલે આસપાસના દુકાનદારો દોડી આવ્યા હતા. ઘટનાની જાણ ધરમપુર ફાયર વિભાગને કરતા ફાયર વિભાગે ઘટના સ્થળે પહોંચી આગને કાબુમાં લીધી હતી.