MS યુનિવર્સિટીમાં NSUI અને AGSG ગૃપ વચ્ચે બેનર મામલે ઘર્ષણ

વડોદરા: વિશ્વ વિખ્યાત મહારાજા સયાજીરાવ યુનિવર્સિટી ખાતે કોમર્સ ફેકલ્ટીમાં AGSG ગૃપ દ્વારા મ્યુઝિકલ કાર્યક્રમ યોજવામાં આવ્યો હતો. કોમર્સ ફેકલ્ટીમાં આયોજીત આ કાર્યક્રમ અંતર્ગત યુથ ફેસ્ટિવલના લોગોનું પણ અનાવરણ કરવામાં આવનાર હતું. જો કે, કાર્યક્રમ પૂર્વે જ બેનરને લઈ હોબાળો થયો હતો. કાર્યક્રમ સ્થળે FGS કૃપલ પટેલના બેનર પર AGSG ગૃપે રાકેશ પંજાબીનું બેનર લગાવતા હોબાળો થયો હતો. AGSG અને NSUIના સમર્થકો સામ-સામે આવી જઈ ખેંચતાણ થઈ ધક્કામુક્કી થતાં અફરાતફરીનો માહોલ સર્જાયો હતો. કોમર્સ ફેકલ્ટીમાં કાર્યક્રમ દરમિયાન જ થયેલા હંગામાને પગલે વિજીલયન્સ અને પોલીસની ટીમો સ્થળ પર પહોંચી હતી અને બન્નેના બેનરો લઈ લીધા હતા. આ મુદ્દે FGS કૃપલ પટેલે AGSGના રાકેશ પટેલ સામે આક્ષેપો કર્યા હતા. તો આ મામલે NSUI ના પૂર્વ FGS વ્રજ પટેલે પણ પોતાની પ્રતિક્રિયા આપી હતી.