પારડી રેલવે સ્ટેશન નજીકના ફાટકમાં ટેમ્પો ચલાક ઘૂસી જતા ફાટક તોડ્યું, ટ્રાફિક જામ સર્જાયો

વલસાડઃ જિલ્લાના પારડી કોટલાવથી ઉમરસાડીને જોડતા માર્ગની વચ્ચે આવેલા રેલવે લાઇનના ફાટકને ગુરુવારની મોડી સાંજે ટેમ્પો નંબર GJ-15-AT-3988ના ચાલકે પુરપાટ ઝડપે આવી તોડી નાખતા, રેલવે વ્યવહારની સાથે-સાથે ફાટકથી પસાર થતા વાહનચાલકોને પણ અસર પહોંચી હતી. આ બાબતે રેલવે અધિકારીઓને જાણ થતા તેઓ ઘટનાસ્થળે દોડી ગયા હતા અને ટેમ્પો ચાલક વિરોદ્ધ કાર્યવાહી કરી હતી. બાદમાં રેલવે ફાટકની મરામત કરી ટ્રાફિક રાબેતા મુજબ કર્યો હતો.