છોટાઉદેપુરઃ કોંગ્રેસ પાસે છીનવાયેલો ગઢ પાછો લેવાની મોટી તક...

છોટા ઉદેપુરઃ ગુજરાત અને મધ્યપ્રદેશની સરહદ પર આવેલા છોટા ઉદેપુર જિલ્લામાં આદિવાસી મતદારોનો પ્રભાવ રહ્યો છે. વિકાસની મુખ્યધારાથી વંચિત રહેલો આ વિસ્તાર આજે પણ પાયાની સુવિધાઓ ઝંખે છે. અહીં મોટા ઉદ્યોગોની ગેરહાજરી હોવાથી બેરોજગારી વધી છે. ગુજરાતના નકશામાં છેવાડે આવેલો આ જિલ્લો વિકાસમાં પણ છેવાડે રહ્યો છે. આદિવાસી સંસ્કૃતિની ધરોહર ધરાવતા આ વિસ્તારમાં હવે શહેરીકરણની હવા વર્તાઈ રહી છે, પરંતુ હજુ ય હોળી-ધૂળેટી અને દિવાસા જેવા તહેવારોમાં અહીંની લોકસંસ્કૃતિનું વૈવિધ્ય જોવા મળે છે.