ગુરૂપુર્ણિમાઃ પાટણમાં ભક્તોએ લીધા દોલતરામ બાપુના આશીર્વાદ

પાટણઃ ગુરૂ એટલે અજ્ઞાનરૂપી અંધકારમાંથી જ્ઞાનરૂપી પ્રકાશ તરફ લઈ જનારી શક્તિ. ગુરૂના જ્ઞાનને ગ્રહણ કરવાથી ભવસાગર પાર કરી શકાય છે. ત્યારે સમગ્ર ગુજરાતમાં ઠેર-ઠેર ગુરૂ પુર્ણિમાની ઉજવણી કરવામાં આવી રહી છે. ગુરૂ ગાદીઓ પર શિષ્યોની મોટી ભીડ ઉમટે છે અને આવી જ એક ગાદી ઐતિહાસિક કહેવાતા પાટણ નજીક નોરતા ગામે આવેલી છે. શિકારીમાંથી અલૌકીક શક્તિ ગ્રહણ કરી સંત થનાર નરભેરામ મહારાજની ગાદી આજે પણ શ્રદ્ધાળુઓ માટે આસ્થાનું કેન્દ્ર છે. આ ગાદી પરના દોલતરામ બાપુ નરભેરામ મહારાજના પગલે શિષ્યોને આશીર્વચન આપી જ્ઞાનથી ભક્તિ સાથે સમાજ સુધારણાનું કામ કરી રહ્યા છે.