અમદાવાદ : આજે 19 ફેબ્રુઆરી, બુધવારના રોજ ચંદ્ર તુલા રાશિમાં છે. આ રાશિફળમાં આપણે જાણીશું કે કઈ રાશિના જાતકોનું આજનો દિવસ સારો રહેશે. કાર્યક્ષેત્રમાં બધી બાર રાશિઓનો દિવસ કેવો પસાર થશે. કોને મળશે પાર્ટનરનો સાથ. આજનું રાશિફળ ચંદ્ર પર આધારિત છે.
મેષ: આજે ચંદ્ર તુલા રાશિમાં છે. આપની રાશિથી સપ્તમ ભાવમાં ચંદ્ર રહેશે. આજે આપ સમાજ અને જાહેર લોકોમાં વાહવાહી મેળવી શકશો. સાથે જ આપને નાણાકીય લાભ પણ થઇ શકે છે. પરિવાર અને લગ્નજીવન સુખ અને સંતોષથી ભરપૂર પહેશે. વાહનનું સુખ મેળવી શકશો. પ્રિયજન સાથે પ્રેમની પળો માણી શકશો. આપના વિચારો વધુ ઉગ્ર બનશે અને આપનું વલણ બીજા પર હાવિ થવાનું હશે. આપ બૌદ્ધિક ચર્ચા વિચારણામાં ભાગ લઇ શકશો પણ અત્યારે આપ સમાધાનકારી વલણ અપનાવો તે જરૂરી છે. વેપારીઓ તેમના વેપારમાં ફાયદો મેળવી શકશે.
વૃષભ: આજે ચંદ્ર તુલા રાશિમાં છે. આપની રાશિથી ષષ્ટમ ભાવમાં ચંદ્ર રહેશે. શારીરિક માનસિક સ્વસ્થતાને કારણે આપ આપનું કામ આયોજન પ્રમાણે પૂરું કરી શકશો. આપને નાણાંકીય લાભ થઇ શકશે. અસ્વસ્થ વ્યક્તિનું સ્વાસ્થ્ય સુધરશે. મોસાળમાંથી સારા સમાચાર મળી શકશે. ઓફિસમાં સહકર્મચારીઓ આપને મદદ કરશે. વિલંબમાં પડેલા કામ પૂરા થશે તેમ જણાઈ રહ્યું છે.
મિથુન: આજે ચંદ્ર તુલા રાશિમાં છે. આપની રાશિથી પંચમ ભાવમાં ચંદ્ર રહેશે. આજે સંતાનો અને જીવનસાથીના આરોગ્ય વિશે થોડી કાળજી લેવાની સલાહ છે. વાદવિવાદ કે ચર્ચાઓમાં ઉંડા ન ઉતરવું હિતમાં રહેશે. સ્ત્રી મિત્રો દ્વારા ખર્ચ કે નુકસાન થવાની શક્યતા છે માટે તેમની સાથે કોઈપણ વ્યવહાર કરવામાં અથવા તેમને લગતી આર્થિક બાબતોમાં સાચવવું. પેટને લગતી સમસ્યાઓ થતી હોય તેમણે ભોજન પર ધ્યાન આપવું પડશે. નવા કાર્યની શરૂઆત કરવામાં દરેક પાસાનો વિચાર કરીને આગળ વધવું.
કર્ક: આજે ચંદ્ર તુલા રાશિમાં છે. આપની રાશિથી ચતુર્થ ભાવમાં ચંદ્ર રહેશે. આપને આજે આળસ અને અજંપાનો અનુભવ થશે. મનમાંથી વધુ પડતા નકારાત્મક વિચારોને દૂર રાખવાની સલાહ છે. છાતીમાં કોઇ પીડા કે તકલીફ હોય તો અત્યારે સારવાર પર ધ્યાન આપવું. પરિવારજનો અને સગા સંબંધીઓ સાથે ચર્ચા અને વિવાદ ટાળવા માટે વાણી અને વર્તનમાં સૌમ્ય રહેવું. પૂરતી ઊંઘ લેવાની સલાહ છે. જાહેરમાં માનભંગ થાય તેવા કોઈપણ કાર્યોથી દૂર રહેવું. વધુ ખર્ચ થઇ શકે. જળાશયોની વધુ નજીક ન જશો.
સિંહ: આજે ચંદ્ર તુલા રાશિમાં છે. આપની રાશિથી તૃતીય ભાવમાં ચંદ્ર રહેશે. આજે આપને શારીરિક માનસિક સ્વસ્થતા અનુભવાશે. પાડોશીઓ અને સહોદરો સાથેનો સંબંધ વધુ ગાઢ બનશે. આપની ધારણા પ્રમાણે કામ થઇ શકશે. ટૂંકી મુસાફરી પણ થઇ શકે. ઘણી સારી તકો સાંપડે. વિરોધીઓને મ્હાત કરી શકશો. પ્રિયજનોના સાનિધ્યથી આપ ખુશી અનુભવશો. સંબંધોમાં લાગણીઓનું ઊંડાણ વધશે. નાણાંકીય ફાયદો પણ થઇ શકે છે.
કન્યા: આજે ચંદ્ર તુલા રાશિમાં છે. આપની રાશિથી દ્વિતિય ભાવમાં ચંદ્ર રહેશે. આપને કેટલીક બાબતોમાં નિર્ણય લેવામાં મુંઝવણ અનુભવાશે. મનમાં નકારાત્મકતા રાખવી નહીં. પરિવારજનો સાથે મતભેદ કે વિવાદ હોય તો અત્યારે શાંતિથી ચર્ચા કરીને તેનો ઉકેલ લાવવો. ખોટા ખર્ચ ટાળવાની સલાહ છે. વિદ્યાર્થીઓ વિદ્યાભ્યાસમાં ધ્યાન કેન્દ્રિત કરી શકશે પરંતુ કેટલાક અવરોધોમાંથી પસાર થવું પડે. વધુ વિવાદ કે ચર્ચામાં પડશો નહીં. પ્રવાસ થઇ શકે. આયાત-નિકાસના વેપારમાં લાભ મેળવી શકશો.
તુલા: આજે ચંદ્ર તુલા રાશિમાં છે. આપની રાશિથી પ્રથમ ભાવમાં ચંદ્ર રહેશે. આ સમય આર્થિક યોજનાઓ બનાવવા માટે ઘણો સારો છે. આપની કલાત્મકતા અને સર્જનાત્મકતા ઘણી સારી રહેશે. આપનું શરીર અને મન સ્વસ્થ રહેશે. આપના દરેક કામ આત્મ વિશ્વાસ અને દૃઢ મનોબળથી આગળ વધશે. ભાગીદારો સાથે સંવાદિતા જળવાશે. મનોરંજન અને મોજમસ્તી પાછળ પણ ખર્ચ થઇ શકે. કૌટુંબિક જીવનમાં સંબંધો વધુ ઘનિષ્ઠ બનશે.
વૃશ્ચિક: આજે ચંદ્ર તુલા રાશિમાં છે. આપની રાશિથી દ્વાદશ ભાવમાં ચંદ્ર રહેશે. આજે આપ મોજમસ્તી અને મનોરંજન પાછળ ખર્ચ કરશો. શારીરિક અને માનસિક સમસ્યાઓ દૂર થઇ શકશે. વાણી કે વર્તનની ઉગ્રતાને કારણે મોટો વિવાદ થઇ શકે છે માટે શક્ય હોય ત્યાં સુધી તમારા કામથી મતલબ રાખવો અને વધુ ચર્ચાઓથી દૂર રહેવું. પરિવારજનો સાથે મતભેદ ટાળવા માટે તેમની સાથે વાત કરતી વખતે અતિ હઠાગ્રહી થવાનું ટાળજો.
ધન: આજે ચંદ્ર તુલા રાશિમાં છે. આપની રાશિથી એકાદશ ભાવમાં ચંદ્ર રહેશે. આપ પ્રણયની સુખદ પળો માણી શકશો. આજનો દિવસ આર્થિક, સામાજિક અને પારિવારિક ક્ષેત્ર માટે સારો છે. પારિવારિક જીવનમાં સુખ શાંતિનું વાતાવરણ રહેશે. આપને સ્ત્રી મિત્રોથી લાભ થશે અને પ્રવાસ થવાની શક્યતા પણ છે. આપની આવકના સ્રોત વધશે. વેપારમાં વધારો અને લાભ થઇ શકે. અપરિણીતોના લગ્ન થાય, કોઇ શુભ પ્રસંગ બને અને સ્વાદિષ્ટ ભોજન માણી શકશો.
મકર: આજે ચંદ્ર તુલા રાશિમાં છે. આપની રાશિથી દશમ ભાવમાં ચંદ્ર રહેશે. આજે આપના વ્યવસાયમાં આવક, પ્રતિષ્ઠામાં વધારો થશે. નોકરીમાં આપની મહેનતનું સારું ફળ મેળવી શકશો. કૌટુંબિક અને સંતાનને લગતા પ્રશ્નોમાં સંતોષ અને ખુશી મળશે. વ્યવસાયમાં થોડા વધારે વ્યસ્ત રહેશો. નોકરીમાં ઉચ્ચ પદની પ્રાપ્તિ થઇ શકે. આજે સરકારી કામમાં સફળતા મળશે તેમજ મિત્રો અને સ્નેહીજનોથી લાભ થશે.
કુંભ: આજે ચંદ્ર તુલા રાશિમાં છે. આપની રાશિથી નવમ ભાવમાં ચંદ્ર રહેશે. આજે આપ શારીરિક અસ્વસ્થતા અનુભવશો, પણ આપના મનની સ્વસ્થતા જળવાઇ રહેશે. શરીરમાં સ્ફુર્તિનો અભાવ હોવાથી કામ કરવાનો ઉત્સાહ નહીં હોય. ઉચ્ચ અધિકારીઓથી મનદુઃખ થયા કરે. મોજમસ્તી કે ફરવા પાછળ ખર્ચ થઇ શકે. લાંબા પ્રવાસ પર જઇ શકશો. વિદેશથી સારા સમાચાર મળે. સંતાનોની સમસ્યાઓ અંગે આપને પણ ચિંતા અનુભવાય. વિરોધીઓ સાથે વધુ ચર્ચા કે વિવાદમાં ન પડવું જોઇએ.
મીન: આજે ચંદ્ર તુલા રાશિમાં છે. આપની રાશિથી અષ્ટમ ભાવમાં ચંદ્ર રહેશે. તંદુરસ્તીની બાબતમાં ખાસ ધ્યાન આપવાનું જણાવવામાં આવે છે. માંદગી પાછળ ખર્ચની સંભાવના નકારી શકાય નહીં. અન્ય કામકાજમાં પણ આપે થોડી પ્રતિકૂળતાઓનો સામનો કરવો પડશે માટે ધીરજથી કામ લેવું. કુટુંબીજનો સાથે મનદુ:ખનો પ્રસંગ ટાળવા માટે સમાધાનકારી નીતિ રાખવાની સલાહ છે. આકસ્મિક ધનલાભ આપની તકલીફો હળવી કરી દેશે. આધ્યાત્મિકતા અને ઇશ્વરભક્તિ મનને શાંતિ આપશે.
