કોરોના વાઈરસ અને સાવચેતીઃ માધવપુરમાં નહિ ઉજવાય શ્રી કૃષ્ણ-રૂક્ષ્મણીનો લગ્નોત્સવ?

પોરબંદરઃ માધવપુર ગામે ઐતિહાસિક માધવરાયના મંદિરમાં દર વર્ષે પરંપરાગત માધવરાય શ્રી કૃષ્ણ-રૂક્ષ્મણીના લગ્ન પ્રસંગની ઉજવણી કરવામાં આવે છે. આ ઉજવણીમાં મોટી સંખ્યામાં લોકો એકત્રિત થતા હોય છે. દેશમાં કોરોના વાઈરસના ફેલાવાને ધ્યાનમાં રાખીને વડાપ્રધાને લોકડાઉનની અપીલ કરી હતી. જેને સહકાર આપી માધવરાયજી મંદિર ટ્રસ્ટ દ્વારા શ્રી કૃષ્ણ-રૂક્ષ્મણીના વિવાહની ઉજવણી મોકૂફ રાખવામાં આવી છે. આ પ્રસંગે યોજાતા આંતરરાષ્ટ્રીય કક્ષાનો મેળો પણ સરકાર દ્વારા યોજવાનો કાર્યક્રમ હતો જે રદ કરવામાં આવ્યો છે.