સુરતમાં બુટલેગરને જામીન મળતા જ કારમાં રેલી કાઢી, લોકોમાં ભારે રોષ

સુરતઃ પલસાણા કડોદરાના બુટલેગરો બેફામ બન્યા છે. બુટલેગરોને હવે પોલીસનો ડર રહ્યો નથી. ગુનાહિત ઇતિહાસ ધરાવતો બુટલેગર જામીન ઉપર છૂટ્યા બાદ રેલી કાઢી હતી. જેને લઈને આ વિસ્તારમાં ભારે રોષ સાથે પોલીસની કામગીરી સામે પણ પ્રશ્ન ઊભો થયો છે. પલસાણા તાલુકાના એક બુટલેગરને દારૂના ગુનાના કામે અટક કરવામાં આવી હતી. ત્યારે તે જામીન ઉપર છૂટતા જ તેણે તેના સાથીમિત્રો સાથે 6 થી 7 જેટલી જેગુઆર તથા અન્ય રોયલ કારમાં રેલી કાઢી હતી. જેથી સામાન્ય પ્રજામાં ભારે રોષ જોવા મળ્યો હતો.