ભાવનગર લોકસભા બેઠક પર ભારતીબેન શિયાળની જીત

ભાવનગરઃ લોકસભા બેઠક પરની જંગમાં ભારતીબેન શિયાળ ફરી જીત મેળવીને પોતાનો રેકોર્ડ તોડવામાં સફળ રહ્યા છે. ભારતીબેન શિયાળ ગણતરીના પ્રારંભથી આગળ રહ્યા હતા. ત્યારે અંતમાં ભારતીબેન શિયાળએ 631768 અને કોંગ્રેસના મનહરભાઈ પટેલ 315819 મત મેળવ્યા હતા. ભારતીબેન શિયાળએ પોતાની 2014ની લીડ 295044 તોડીને 2019ની આજની ચુંટણીમાં રેકોર્ડ બ્રેક 315949 લીડ મેળવી છે. ભારતીબેનની લીડ હજુ ગણતરી પૂર્ણ થયે પહેલા તોડતા જંગી લીડ મેળવે તેવી આશા સેવાઈ રહી છે. ત્યારે જીત નિશ્ચિત થઇ જતા ભાજપ દ્વારા વિજય સરઘસ નક્કી કરવામાં આવ્યું છે અને એન્જિનિયરિંગ કોલેજથી લઈને ભાજપ શહેરના વિવિધ માર્ગો પર ફરીને ઉજવણી કરવામા આવશે.