Stray dog attack: ઓડિશામાં રખડતા શ્વાનના હુમલામાં મહિલાઓ અને બાળકો ઈજાગ્રસ્ત, જુઓ વીડિયો

ઓડિશા: બ્રહ્મપુર વિસ્તારમાં રખડતા શ્વાનના કારણે બે મહિલાઓ અને એક બાળક ઈજાગ્રસ્ત થયા છે. જ્યારે રખડતા શ્વાન ટોળામાં હોય છે, ત્યારે તેઓ લોકો પર હુમલો કરે છે. આવી જ એક ઘટના ઓડિશાના બ્રહ્મપુરમાં સામે આવી છે. અહીં એક મહિલા તેના પુત્રને સ્કૂટી પર સ્કૂલે મૂકવા જઈ રહી હતી. તેની સાથે અન્ય એક મહિલા સ્કૂટી પર સવાર હતી. રસ્તામાં અચાનક રખડતા શ્વાનનું ટોળું તેમનો પીછો કરવા લાગ્યો. 

આ પણ વાંચો:  Dog Bite in Rajkot: રખડતા શ્વાનના કારણે મહિલાનું મોત, સાડીનો છેડો તાણી ગયો

શ્વાનનું ટોળું પડ્યું પાછળ: રખડતા શ્વાનને જોઈને મહિલાઓ ડરી ગઈ હતી. તેણે સ્કૂટીની સ્પીડ વધારીને શ્વાનના હુમલાથી બચવાનો પ્રયાસ કર્યો. આ દરમિયાન મહિલા એટલી ડરી ગઈ કે તે પોતાની સ્કૂટી પર કાબુ ન રાખી શકી અને રોડની બાજુમાં પાર્ક કરેલી કારને ટક્કર મારી દીધી. અચાનક અથડામણના અવાજથી શ્વાન ડરી ગયા અને ભાગ્યા. તે એક સંયોગ હતો કે મહિલાઓ અને બાળકોને ગંભીર ઈજાઓ થઈ ન હતી.