મતદાતાઓમાં જાગૃતિ આવે તે હેતુથી પોરબંદરમાં મતદારો માટે રેડ કાર્પેટ પાથરવામાં આવી

મતદાતાઓમાં જાગૃતિ(Awareness among voters) આવે તે હેતુથી પોરબંદરમાં મતદારો માટે રેડ કાર્પેટ પાથરવામાં આવી હતી. યુવા પોલિંગ સ્ટાફ,સખી મતદાન મથક તથા ઇકો ફ્રેન્ડલી મતદાન મથકો (Gujarat Assembly Election 2022)જેવી થીમ રાખવામાં આવી હતી. આજે વિધાનસભા 2022 ની પ્રથમ ચરણની ચૂંટણી(First phase election) યોજાઈ હતી. જેમાં મતદાતાઓ વધુમાં વધુ મતદાન કરે તે માટે વિવિધ થીમ ઉપર મતદાન મથકો બનાવવામાં આવ્યા હતા. પોરબંદરમાં ચૂંટણી વિભાગ દ્વારા મોડલ મતદાન મથક તથા સખી મતદાન મથક અને ઇકોફ્રેન્ડલી મતદાન મથક તથા યુવા મતદાન મથક જેવી થીમ પર મતદાન મથકો રાખવામાં આવ્યા હતા. પોરબંદર જિલ્લાના રાંઘાવાવ ખાતે આવેલ મતદાન મથકને એ રીતે શણગારવું માં આવ્યું હતું કે જાણે કોઈ મોટો લગ્ન પ્રસંગ હોય મતદાતાઓ માટે રેડ કાર્પેટ બિછાવામાં આવી હતી. અને રેડ કાર્પેટ પરથી પસાર થઈને મતદાતાઓ મતદાન કરવા આવ્યા હતા. અને મતદાતાઓએ પણ ખુશી અનુભવી હતી. અને આ વ્યવસ્થા સારી હોવાનું જણાવ્યું હતું