મુસ્લિમ યુવકે અપનાવ્યો હિંદુ ધર્મ, વાંચો આમિરમાંથી અભય બનવાની કહાણી

નવી દિલ્હી/ગાઝિયાબાદઃ દિલ્હીમાં રહેતા આમિર નામના મુસ્લિમ યુવકે હિન્દુ ધર્મ અપનાવ્યો હતો જેનો વીડિયો સોશિયલ મીડિયા પર વાયરલ થઈ રહ્યો છે. હિન્દુ યુવા વાહિનીના મહાયજ્ઞ કાર્યક્રમમાં આમિર નામનો આ યુવક અભય બન્યો હતો. અભય ઉર્ફે અમીરનું કહેવું છે કે, તેના પૂર્વજો સનાતન ધર્મમાં હતા તેથી તેણે આ ધર્મ અપનાવ્યો છે. રવિવારે હિન્દુ યુવા વાહિની દ્વારા 51 કુંડીય મહાયજ્ઞનું આયોજન કરવામાં આવ્યું હતું. વિશ્વ શાંતિ માટે આ કાર્યક્રમનું આયોજન કરવામાં આવ્યું હતું. જેમાં લોનીના ધારાસભ્ય નંદકિશોર ગુર્જરે પણ ભાગ લીધો હતો. આમિર અભય બન્યા પછી આવેલા આ વીડિયો પર લોકો વિવિધ પ્રકારની ચર્ચાઓ કરી રહ્યા છે.