સુરતના આ વોર્ડમાં છેલ્લા પાંચ ટર્મથી એકપણ કોંગ્રેસના પ્રતિનિધિ ચૂંટાયા નથી

સુરતઃ મહાનગરપાલિકાની ચૂંટણી ફેબ્રુઆરીમાં યોજાઈ શકે છે, જેને લઇ ભાજપ અને કોંગ્રેસ દ્વારા તૈયારીઓ પણ શરૂ કરી દેવામાં આવી છે. આરોપ પ્રત્યારોપનો દોર પણ શરૂ થઈ ગયો છે. આ વચ્ચે ઈટીવી ભારતની ટીમ પાલિકાના વોર્ડ નંબર 10માં પહોંચી હતી. આ વોર્ડમાં છેલ્લા પાંચ ટર્મથી એક પણ કોંગ્રેસના પ્રતિનિધિ ચૂંટાયા નથી. આવામાં એસ.ટી, એસ.સી, ઓબીસી સહિત લઘુમતી મતદાતાઓ નિર્ણાયક સાબિત થતા હોય છે. ભાજપે આ વોર્ડમાં વિકાસ કામ કર્યા હોવાનો દાવો કર્યો છે. જ્યારે બીજી બાજુ કોંગ્રેસના નેતાઓએ ગટર, પાણી અને બસ સ્ટેન્ડની કફોડી હાલતને મુદ્દાઓ બનાવી રહ્યા છે. જ્યારે આ તમામ આરોપોને ભાજપ ના સ્થાનિક નેતાઓ પાયાવિહોણા ગણાવ્યા છે.