વરસાદમાં રાજ્યસભા સાંસદ સરોજ પાંડેનું લલચાયું મન, મકાઈ વેચતી મહિલાઓ સાથે શેકી મકાઇ

છત્તીસગઢ(Chhattisgarh)માં ચોમાસામાં ભારે વરસાદ વરસી રહ્યો છે. અહીંના ઘણા જિલ્લાઓમાં સતત વરસાદ પડી રહ્યો છે. વરસાદ પડતો હોય અને મકાઈ ખાવાનું મન ના થાય, એ કેવી રીતે શક્ય બને. આવી સ્થિતિમાં રાજ્યસભાના સાંસદ સરોજ પાંડેનું મન પણ લલચાઇ જ ગયું. રાજ્યસભાના સાંસદ સરોજ પાંડે(Rajya Sabha MP Saroj Pandey) પણ સુંદર વાતાવરણમાં પોતાને મકાઈ ખાતા રોકી શક્યા નહીં. દુર્ગ-રાયપુર હાઇવે પર કેટલીક મહિલાઓને મકાઈ વેચતી જોઇને તે ઉભા રહ્યા અને તેમની સાથે મકાઇ શેકવાનું શરૂ કરી દીધુ. આ દરમિયાન તેના ચહેરા પર ખુશી દેખાઈ રહી હતી.