અમદાવાદના નારણપુરા વિસ્તારમાં સરદાર પટેલનગરમાં રહેતો નિપુલ શાહને શેરબજારમાં સટ્ટો રમવાની આદત હતી. જેના કારણે તેના પર દેવું થઈ ગયું હતું. આ દેવું થઈ જવાના કારણે નિપુલે તેની પત્ની આનલ શાહને પિયરમાંથી પૈસા લાવવા દબાણ કર્યું હતું. આ બાબતે અવારનવાર બંને વચ્ચે ઝઘડા પણ થતા હતા.
પરિણીતાએ પતિના દબાણથી કંટાળીને ગળેફાંસો ખાઈને કર્યો આપઘાત
ત્યારબાદ અંતે કંટાળીને આનલે ગળેફાંસો ખાઈને આપઘાત કરી લીધો હતો. જે અંગે આનલના પિતાએ નિપુલ અને તેના પરિવાર વિરૂદ્ધ ઘાટલોડિયા પોલીસ સ્ટેશનમાં આપઘાત કર્યાનો તેમજ દુષ્પ્રેરિત કર્યા હોવાની ફરિયાદ નોંધાવી હતી. જે અંગે પોલીસે આરોપી પતિ અને સસરાની ધરપકડ પણ કરી છે.
