কাতিমাৰি গ্ৰান্ট গাঁওৰক্ষী বাহিনীয়ে আটক কৰিলে চুৰি সামগ্ৰীসহ চোৰ

অপৰাধৰ বিৰুদ্ধে নৱ নিযুক্ত আৰক্ষী অধীক্ষক আনন্দ মিশ্ৰৰ নেতৃত্বত তৎপৰ হৈ পৰিছে নগাঁও আৰক্ষী প্ৰশাসন । দিনে-নিশাই অপৰাধৰ বিৰুদ্ধে চলিছে অভিযান ৷ অভিযান কালত আটক হৈছে বহু অপৰাধী ৷ প্ৰশাসনৰ সমান্তৰাভাৱে পিছ পৰি ৰোৱা নাই নগাঁৱৰ গাঁওৰক্ষী বাহিনীও ৷ বৃহস্পতিবাৰে নিশা কাতিমাৰি গ্ৰান্ট গাঁওৰক্ষী বাহিনীৰ সভাপতি হুছেইন আলী প্ৰধানীৰ নেতৃত্বত কেইবাগৰাকীও সদস্যই অভিযান চলাই আটক কৰে এটা চোৰ ৷ ছফিক আলী নামৰ চোৰটোৰ পৰা কেইবাহাজাৰ টকাৰ লগতে বহু চুৰি সামগ্ৰী উদ্ধাৰ কৰি স্থানীয় ৰাইজে উত্তম মাধ্যম দি হয়বৰগাঁও আৰক্ষীক গতাই দিয়ে।