সুবিধা বঞ্চিত শিক্ষকে ধেমাজিত ৰূপায়ণ কৰিলে ধৰ্ণা কাৰ্যসূচী

বিদ্যালয়ৰ শ্ৰেণী কোঠা এৰি চৰকাৰবিৰোধী শ্লোগানেৰে সোচ্চাৰ হ'ল অখিল ভাৰতীয় প্ৰাথমিক শিক্ষক সংঘৰ শিক্ষকসকল (Akhil bharatiya prathomik Sikshak Sangha) ৷ ধেমাজি জিলাৰ অখিল ভাৰতীয় প্ৰাথমিক শিক্ষক সংঘৰ শিক্ষকসকলে ৰূপায়ণ কৰিলে প্ৰতিবাদী কাৰ্যসূচী ৷ নতুন পেঞ্চন নীতি বাতিল কৰি পুৰণা পেঞ্চন নীতি বাহাল ৰখাৰ লগতে আন কেইবাটাও দাবীৰ সমৰ্থনত মঙলবাৰে ধেমাজি জিলা প্ৰাথমিক শিক্ষা বিষয়াৰ কাৰ্যালয় চৌহদত ধৰ্ণা কাৰ্যসূচী ৰূপায়ণ কৰে অখিল ভাৰতীয় প্ৰাথমিক শিক্ষক সংঘৰ শিক্ষকসকলে(Opposed NPS) ৷ শতাধিক প্ৰতিবাদী শিক্ষকে বিভিন্ন দাবীৰে শিক্ষা বিষয়াৰ কাৰ্যালয় চৌহদ কঁপাই তোলে মঙলবাৰৰ দিনটোত ৷ ধেমাজি জিলাৰ প্ৰাথমিক শিক্ষকৰ লগতে ঠিকাভিত্তিক শিক্ষকসকলেও অংশগ্ৰহণ কৰে এই প্ৰতিবাদী কাৰ্যসূচীত । উল্লেখ্য যে, বিগত কেইবাবছৰ ধৰি চৰকাৰে প্ৰাথমিক শিক্ষকসকলৰ সমস্যাসমূহ সমাধান নকৰা বাবে এনেধৰণে প্ৰতিবাদী কাৰ্যসূচী গ্ৰহণ কৰি আহিছে শিক্ষকসকলে (Teachers protest in Dhemaji)