বঙাইগাঁৱৰ মাদ্ৰাছাত ছাত্ৰৰ আত্মহনন

বঙাইগাঁও জিলাৰ কোকিলা আৰক্ষী নিৰীক্ষণ চকীৰ অন্তৰ্গত নাম্বাৰপাৰা দাৰুল উলম আফাকুল ইছলাম মাদ্ৰাছাত গা ধোৱা কোঠাত চিপ লৈ এজন ছাত্ৰৰ আত্মহত্যা(Student commits suicide in Madrasa) ৷ জানিব পৰা মতে, বিদ্যালয়ত মোবাইল নিষিদ্ধ থকাৰ পিছতো প্ৰেমজনিত কাৰণত ছাত্ৰগৰাকীয়ে বিদ্যালয়লৈ মোবাইল লৈ গৈছিল ৷ এইকথা জনাৰ পিছত বিদ্যালয়ৰ শিক্ষকে ছাত্ৰজনৰ পৰা মোবাইল ফোনটো লৈ যোৱাৰ বাবেই এই ঘটনা সংঘটিত হোৱাৰ সন্দেহ প্ৰকাশ কৰিছে একাংশই ৷ উক্ত ঘটনাৰ পিছতে ঘটনাস্থলীত জিলাখনৰ আৰক্ষী অধীক্ষক স্বপ্ননীল ডেকা, মহকুমা আৰক্ষী বিষয়া নিতুমনি দাস আৰু দণ্ডাধীশ উপস্থিত হয় । ইফালে মাদ্ৰাছাখনত পৰ্যাপ্ত অনুশাসন ব্যৱস্থা নথকা বুলি উল্লেখ কৰে আৰক্ষী অধীক্ষকগৰাকীয়ে ।