জালুকবাৰী সমষ্টিত ৰূপজ্যোতি কুৰ্মীৰ নিৰ্বাচনী প্ৰচাৰ

জালুকবাৰী সমষ্টিত কংগ্ৰেছী বিধায়ক ৰূপজ্যোতি কুৰ্মীয়ে নিশাৰ ভাগত চলোৱা নিৰ্বাচনী প্ৰচাৰত অংশগ্ৰহণ কৰে ৷ সমষ্টিটোৰ মান্দাকাটাত কংগ্ৰেছ মহাজোঁটৰ প্ৰাৰ্থী ৰমেন বৰঠাকুৰৰ হৈ নিৰ্বাচনী প্ৰচাৰ চলায় কুৰ্মীয়ে । কংগ্ৰেছী বিধায়ক গৰাকীয়ে সাংবাদিকৰ আগত মন্তব্য কৰে যে, এইবাৰ মহাজোঁটে চৰকাৰ গঠন কৰিব আৰু মহাজোঁটৰ চৰকাৰৰ মন্ত্ৰী হৈ জালুকবাৰী সমষ্টিৰ দায়িত্ব ল’ব ৰূপজ্যোতি কুৰ্মীয়ে । জালুকবাৰী সমষ্টিৰ ৰাইজৰ অন্তৰত বহুটো দুখ আছে বাবেই এই দ্বায়িত্ব লোৱাৰ কথা উল্লেখ কৰে বিধায়ক গৰাকীয়ে । ইয়াৰ লগতে, হিমন্ত বিশ্ব শৰ্মাৰ কাৰণে অসমত বিজেপি দলৰ পতন হ'বলৈ ধৰা বুলিও কয় বিধায়ক ৰূপজ্যোতি কুৰ্মীয়ে । বিজেপি দলৰ অপশাসনে কংগ্ৰেছক বিজয়ী হোৱাত সহায় কৰিব বুলিও মন্তব্য কৰে ৰূপজ্যোতি কুৰ্মীয়ে ৷