হাজোত ভয়ংকৰ পথ দুৰ্ঘটনা: আহত 12 আৰক্ষী বিষয়া

হাজোত ভয়ংকৰ পথ দুৰ্ঘটনা ৷ দুৰ্ঘটনাত গুৰুতৰভাবে আহত 12 জনকৈ অসম আৰক্ষী (Assam police injured in road accident) ৷ হাজোৰ কলিতাকুছিৰ সমীপত নিশা সংঘটিত হৈছে এই ভয়ংকৰ পথ দুৰ্ঘটনা ৷ আৰক্ষী কঢ়িওৱা বাহনে ৰখাই থোৱা ট্ৰাকত খুন্দা মৰাৰ ফলতেই সংঘটিত হয় এই দুৰ্ঘটনাটো ৷ প্ৰাৰম্ভিক তথ্য অনুসৰি জানিব পৰা মতে, দুৰ্ঘটনাটোত মহিলা কনিষ্টবলসহ মুঠ ১২ জন আৰক্ষী আহত হৈছে ৷ আহত কেইগৰাকী ক্ৰমে বাসুগাঁও আৰক্ষী থানাৰ উপ আৰক্ষী পৰিদৰ্শক মতিলাল সিং, বগৰীবাৰী আৰক্ষী থানাৰ সহকাৰী উপ-পৰিদৰ্শক আনোৱাৰ হুছেইন, মহিলা কনিষ্টবল অংশুমণি ইছলাৰী, সোণতি বসুমতাৰী, ৰূপা ভট্টাচাৰ্য, কৃষ্ণা চৌধুৰী, কমলা বিশ্বাস, স্বাতী ৱাৰী, অঞ্জুমা বৰগয়াৰী আৰু চিমাংশ্ৰী কছাৰী ৷ গুৱাহাটীত চলি থকা কেইবাটাও চৰকাৰী কাৰ্যসূচী সমাপন কৰি আৰক্ষী চাউনীৰ পৰা কোকৰাঝাৰ অভিমুখে গৈ থকা অৱস্থাতেই সংঘটিত হয় এই দুৰ্ঘটনা ৷ আনহাতে এই দুৰ্ঘটনা সংঘটিত কৰিয়েই পলায়ন কৰে বাছখনৰ চালক ৷