NRCৰ ঠিকাভিত্তিক কৰ্মচাৰীক অব্যাহতি দিয়াৰ বিৰুদ্ধে ক্ষোভ কৰ্মচাৰীৰ

বুধবাৰে দিশপুৰ প্ৰেছ ক্লাৱত NRCৰ ঠিকাভিত্তিক কৰ্মচাৰী সকলে এখন সংবাদমেল সম্বোধন কৰে ৷ মহাপঞ্জীয়কৰ কাৰ্যালয়ৰ পৰা কৰ্মচাৰী সকলক অব্যাহতি দিয়াক লৈ প্ৰতিক্ৰিয়া প্ৰকাশ কৰি সম্বোধন কৰা সংবাদমেলত নিৰ্বাচনী অধিসূচনা জাৰি হৈ থকাৰ সময়ত জাননী প্ৰেৰণক লৈ ক্ষোভ উজাৰে কৰ্মচাৰী সকলে ৷ ২৬ মাৰ্চত RGI কাৰ্যালয়ৰ পৰা অহা এই জাননীৰ জৰিয়তে ২৭২ গৰাকী কনিষ্ঠ সহায়কক অব্যাহতি দিয়াৰ লগতে প্ৰতিখন জিলাৰ NRC ৰ সেৱাকেন্দ্ৰৰ চতুৰ্থ বৰ্গৰ কৰ্মচাৰীকো অব্যাহতি দিয়াত RGI ৰ জাননীখন স্থগিত ৰখাৰ দাবী জনায় কৰ্মচাৰী সকলে ৷ ইফালে এই জাননীৰ ক্ষেত্ৰত সংযোজক হিতেশ দেৱ শৰ্মাৰ বিৰুদ্ধে ষড়যন্ত্ৰৰ অভিযোগো উত্থাপন কৰে ৷