HS Result 2022: দাৰিদ্ৰতাক নেওচি মৰাণত ইলোৰা বাইলুঙৰ সাফল্য

দৰিদ্ৰতাৰ হেঙাৰ নেওচি সুন্দৰ ফল দেখুৱালে মৰাণ সমষ্টিৰ খোৱাং বাঘটলী পথাৰৰ ইলোৰা বাইলুঙে(Poor Girl passed in HS examination 2022) । মৰাণ মহিলা মহাবিদ্যালয়ত অধ্যয়নৰত আছিল ছাত্ৰীগৰাকী ৷ ইলোৰা বাইলুঙে সদ্য ঘোষিত উচ্চতৰ মাধ্যমিক চূড়ান্ত বৰ্ষৰ পৰীক্ষাত কলা শাখাৰ ফলাফলত ৫ টা বিষয়ত লেটাৰসহ মুঠ ৪২৫ নম্বৰ লাভ কৰি অঞ্চলটোলৈ গৌৰৱ কঢ়িয়াই আনিবলৈ সক্ষম হৈছে ৷ ছাত্ৰীগৰাকীৰ এই সফলতাত আনন্দিত হৈ পৰিছে পিতৃ অনন্ত বাইলুং আৰু মাতৃ ৰেখা বাইলুং ৷ মেধাবী ছাত্ৰীগৰাকীৰ সপোন ভৱিষ্যতে এগৰাকী প্ৰশাসনিক বিষয়া হোৱাৰ ।