বিহালীৰ বৰগাঙত শিশু সৰবৰাহকাৰী আটক

বিহালীৰ বৰগাঙত এজন শিশু সৰবৰাহকাৰী আটক ( One man arrested in connection with smuggling child) ৷ বিগত 11 জুনত বিহালী সমষ্টিৰ বৰগাং চাহ বাগিচাৰ পৰা দুজন কিশোৰ নিখোজ হৈছিল ৷ ইয়াৰে এজন কিশোৰক আৰক্ষীয়ে বিগত ২২ জুনত পলাই আহি থকা অৱস্থাত উদ্ধাৰ কৰিছিল । তাৰ পিছতে এই কিশোৰজনৰ ভাষ্য অনুসৰি নিখোজ হোৱা আনজন কিশোৰক অৰুণাচল প্ৰদেশৰ মৌচিন গাঁৱৰ পৰা উদ্ধাৰ কৰে আৰক্ষীয়ে ৷ দুয়োজন কিশোৰক উদ্ধাৰ কৰি তেওঁলোকৰ ভাষ্য অনুসৰি বৰগাং আৰক্ষী চকীৰ ভাৰপ্ৰাপ্ত আৰক্ষী বিষয়া বুচিং বে'য়ে অভিযান চলাই বুধবাৰে শোণিতপুৰৰ মিছন চাৰিআলিৰ পৰা মঃ ৰিতুল আলী নামৰ ব্যক্তিজনক আটক কৰাৰ লগতে শিশু সৰবৰাহৰত ব্যৱহাৰ কৰা এখন বলেৰ' বাহন জব্দ কৰে । ইফালে, অভিযুক্ত ৰিতুলক বৃহস্পতিবাৰে আৰক্ষীয়ে জেললৈ প্ৰেৰণ কৰে ।