মাতৃৰ মমতা: পুত্ৰৰ চাকৰিৰ আবেদন লৈ মুখ্যমন্ত্ৰীক সাক্ষাৎ নব্বৈ বছৰীয়া আইতাৰ

হাতত এখন আবেদন পত্ৰ আৰু মনত এমুঠি আশা ৷ মুখ্যমন্ত্ৰীক লগ পাবলৈ আহিছে এগৰাকী আইতা (Ninety years old woman came to meet Himanta Biswa Sarma)৷ সুদূৰ দেৰগাঁৱৰ পৰা পুৱাই আহি কাজিৰঙাৰ বৰগছৰ বাকৰিত উপস্থিত হ’ল 90 বছৰীয়া আইতা গৰাকী (Old lady meets CM Himanta Biswa Sarma)৷ উদ্দেশ্যে পুত্ৰৰ চাকৰিৰ বাবে মুখ্যমন্ত্ৰীক এখন আৱেদন দিয়া ৷ দেৰগাঁৱৰ মুকলিমুৰীয়া সত্ৰৰ সত্ৰাধিকাৰৰ পত্নী বিনু গোস্বামী এইগৰাকী । অৱশেষত মুখ্যমন্ত্ৰী আহি উপস্থিত হ’ল আইতাৰ কাষত ৷ আইতাৰ অভিযোগৰ খতিয়ান লৈ সমস্যা সমাধানৰ আশ্বাস দিলে মুখ্যমন্ত্ৰীয়ে ৷ মুখ্যমন্ত্ৰীয়ে আইতাক এই বুলিও আশ্বাস দিলে যে, এদিন মুকলিমুৰীয়া সত্ৰলৈ যাব তেওঁ ৷ মুখ্যমন্ত্ৰীৰ আশ্বাসৰ পাচত এতিয়া বিনু গোস্বামীৰ সমস্যা সমাধান হয় নে নহয় সেয়াহে লক্ষ্যনীয় হ’ব ৷