শুভ্ৰ পোছাকেৰে জনতাৰ কাষত লুৰিণজ্যোতি গগৈ

মাতৃ বিয়োগৰ শোক অন্তৰত লুকাই ৰাখি ৰাইজৰ বাবে ওলাই আহিছে অসম জাতীয় পৰিষদৰ সভাপতি লুৰিণজ্যোতি গগৈ ৷ শনিবাৰে নলবাৰী জিলাৰ ধৰ্মপুৰ সমষ্টিত অসম জাতীয় পৰিষদৰ প্ৰাৰ্থী ড0 শিখৰ কুমাৰ শৰ্মাৰ হৈ সম্পাদক জগদীশ ভুঞা সহিতে নিৰ্বাচনী প্ৰচাৰ চলালে সভাপতি লুৰিন জ্যোতি গগৈয়ে ৷ শুভ্ৰ পোছাকেৰে খালি ভৰিৰে নিৰ্বাচনী প্ৰচাৰ চলাই সভাপতি গৰাকীয়ে ক’লে, বিজেপি দলটোৱে দিল্লী-নাগপুৰৰ চাবিতহে নাচে ৷ এগৰাকী সদায় সাৰ পায় থকা নেতা লাগে ধৰ্মপুৰত, দিন-ৰাতি শুই থকা নেতাৰ ধৰ্মপুৰত প্ৰয়োজন নাই বুলি মন্তব্য কৰে লুৰিণ জৌতি গগৈয়ে ৷ সভাপতি গৰাকীয়ে ধৰ্মপুৰৰ প্ৰাৰ্থী ড0 শিখৰ কুমাৰ শৰ্মাৰ চাৰিখনকৈ নিৰ্বাচনী সভাত অংশগ্ৰহণ কৰে ৷