ধেমাজিত জীয়াঢল আঞ্চলিক ছাত্ৰ সন্থাৰ নৱম বাৰ্ষিক অধিৱেশন

আজিৰে পৰা আৰম্ভ হৈছে জীয়াঢল আঞ্চলিক ছাত্ৰ সন্থাৰ নৱম বাৰ্ষিক অধিৱেশন (Jiadhal AASU Ninth Annual Conference) ৷ ধেমাজি জিলা ছাত্ৰ সন্থাৰ অধীনৰ আঞ্চলিক সমিতি জীয়াঢল আঞ্চলিক ছাত্ৰ সন্থাৰ অধিৱেশখনৰ কাৰ্যসূচী পুৱা আছুৰ পতাকা উত্তোলনেৰে আৰম্ভ কৰা হয় ৷ পতাকা উত্তোলন কৰে জীয়ঢল আঞ্চলিক ছাত্ৰ সন্থাৰ সভাপতি সৌৰভ বৰুৱাই ৷ শ্বহীদ তৰ্পণ কৰে জীয়াঢল আছুৰ সম্পাদক তনুজ কছাৰীয়ে ৷ ইয়াৰ পিছতে জামুগুৰি উচ্চ মাধ্যমিক বিদ্যালয়ৰ প্ৰেক্ষাগৃহত অনুষ্ঠিত হয় প্ৰতিনিধি সভা (Jiadhal AASU delegates meet)৷ উল্লেখযোগ্য যে, এদিনীয়া কাৰ্যসূচীৰে জামুগুৰি উচ্চ মাধ্যমিক বিদ্যালয়ৰ খেলপথাৰত এক উছৱমুখৰ পৰিৱেশত অনুষ্ঠিত হোৱা এই বাৰ্ষিক অধিৱেশনৰ সন্ধিয়াৰ মুকলি সভাত আছুৰ সাধাৰণ সম্পাদক শংকৰজ্যোতি বৰুৱাই অংশ গ্ৰহণ কৰে ৷