Oil Smuggling at Duliajan: দুলীয়াজানত বৃহৎ পৰিমাণৰ চোৰাং কণ্ডেনচেট তেল জব্দ

ৰাজ্যত পুনৰ সক্ৰিয় আছে তেল চুৰি চক্ৰ । সোমবাৰে অইলৰ কণ্ডেনচেট তেল চুৰি চক্ৰৰ বিৰুদ্ধে ভাদৈ আৰক্ষীয়ে চলায় এক অভিযান (Condensate oil theft racket at Duliajan) । অভিযানত AS23D2895 নম্বৰৰ টাটা ইণ্ডিকা গাড়ীত বৃহৎ পৰিমাণৰ চোৰাং কণ্ডেনচেট তেল ভৰ্তি ড্ৰাম জব্দ কৰিবলৈ সক্ষম হয় । ভাদৈ পাঁচআলিৰ চপাতলি বঙালী গাঁৱত আৰক্ষীয়ে এক গোপন সূত্ৰৰ পম খেদি চলাইছিল অভিযান । চুৰি চক্ৰটোৰ লগত জড়িত থকাৰ সন্দেহত ভাদৈ পাঁচআলিৰ ১ নং চপাতলি বৰবাৰী গাঁৱৰ ভাস্কৰ গগৈক আটক কৰি দুলীয়াজান আৰক্ষী থানাত জেৰা অব্যাহত ৰাখিছে । উল্লেখ্য যে ইয়াৰ পুৰ্বেও দুলীয়াজান আৰক্ষীয়ে জব্দ কৰিবলৈ সক্ষম হৈছিল চোৰাং কণ্ডেনচেট তেল । তেল চোৰ চক্ৰটোৱে নতুন নতুন কৌশল অৱলম্বন কৰি এই কাৰ্য কৰি অহা বুলি সদৰি কৰিছে আৰক্ষীয়ে ।