গুণোৎসৱ 2022ৰ বাবে সাজু হোজাই জিলা প্ৰশাসন

সমগ্ৰ ৰাজ্যৰ লগতে হোজাই জিলাতো সৰ্বশিক্ষা অভিযান, অসমৰ অধীনত দ্বিতীয় পৰ্যায়ত অনুষ্ঠিত হ’বলগীয়া গুণোৎসৱ 2022 সন্দৰ্ভত শুকুৰবাৰে উপায়ুক্তৰ কাৰ্যালয়ৰ সভাকক্ষত আয়োজন কৰা হয় এক আলোচনা (Hojai District Administration ready for Gunatosav 2022) ৷ এই আলোচনাত উল্লেখ কৰা অনুসৰি, 951 খন বিদ্যালয়ক সামৰি মুঠ 324 টা গ্ৰুপৰ জৰিয়তে এই গুণোৎসৱ পালন কৰা হ’ব হোজাই জিলাত । নগাঁও আৰু কাৰ্বি আংলঙৰ পৰা গুণোৎসৱৰ ওপৰত প্ৰশিক্ষণ দিবলৈ শিক্ষকসকলক অনাৰ ব্যৱস্থা গ্ৰহণ কৰা হ'ব । এই প্ৰশিক্ষণৰ বাবে চাৰিজন প্ৰশিক্ষকো নিয়োগ কৰা হৈছে । তিনিদিনীয়া কাৰ্যসূচীৰে পালন কৰিবলগীয়া এই গুণোৎসৱে প্ৰথম শ্ৰেণীৰ পৰা নৱম শ্ৰেণীলৈকে সামৰি লোৱা হ’ব ৷ সংবাদ মাধ্যমৰ আগত এই কথা সদৰি কৰে হোজাই জিলা উপায়ুক্ত অনুপম চৌধুৰীয়ে ।