টীয়কত ক’ভিড প্ৰট’কল মানি ঈদৰ নামাজৰ আয়োজন

আজি ইচলাম ধৰ্মাৱলম্বী লোকসকলৰ পবিত্ৰ ঈদ ৷ কিন্তু ক’ভিড সংক্ৰমণৰ প্ৰতি লক্ষ্য ৰাখি সমূহীয়া নামাজৰ পৰিৱৰ্তে পৰিয়ালৰ সদস্যসকলৰ মাজতে সীমাবদ্ধ ৰাখিছে নামাজ ৷ ইয়াৰ লেখীয়াকৈ যোৰহাটৰ টীয়কৰ বাগান তিনি আলিৰ ইদ্ৰিছ আলী নামৰ লোকজনৰ বাসগৃহত পৰিয়ালৰ সদস্যসকলে অনুষ্ঠিত কৰিছে নামাজৰ । আল্লাহৰ ওচৰত দোৱা কৰি ক’ভিডৰ ত্ৰাস যাতে নিঃশেষ হয়, সমাজৰ পৰা সকলো অমংগল দূৰ হয়, সম্প্ৰীতিৰ এনাজৰীডাল যাতে দৃঢ় হয় আদিৰ কামনা কৰে পৰিয়ালটোৰ সদস্যসকলে ৷