অন্তিম যাত্ৰাত দেশৰ অৰ্থনীতিৰ ৰূপকাৰ; কংগ্ৰেছৰ মুখ্য কাৰ্যালয়ত অন্তিম বিদায় প্ৰাক্তন প্ৰধানমন্ত্ৰীক

দেশৰ অৰ্থনৈতিক আন্তঃগাঁথনিক নতুন উচ্চতাত উপনীত কৰাই ধৰাৰ পৰা বিদায় মাগিলে মনমোহন সিঙে । পুৱা ১১.৪৫ বজাত পঞ্চভূতত বিলীন হ'ব তেওঁৰ পাৰ্থিৱ শৰীৰ ।

নতুন দিল্লী : প্ৰাক্তন প্ৰধানমন্ত্ৰী মনমোহন সিঙৰ নশ্বৰ দেহ শনিবাৰে তেওঁৰ বাসগৃহৰ পৰা দিল্লীৰ সৰ্বভাৰতীয় কংগ্ৰেছ কমিটীৰ (এ আই চি চি) মুখ্য কাৰ্যালয়লৈ অনা হয় । তাত দলীয় কৰ্মীসকলে অন্তিম শ্ৰদ্ধা জনাইছে । ৰাহুল গান্ধী, প্ৰিয়ংকা গান্ধী ভাদ্ৰা, ৰাজেশ ঠাকুৰকে ধৰি কেইবাগৰাকীও ৰাজনীতিবিদে প্ৰাক্তন প্ৰধানমন্ত্ৰীগৰাকীক অন্তিম শ্ৰদ্ধাঞ্জলি জ্ঞাপন কৰিবলৈ দিল্লীৰ এ আই চি চি মুখ্য কাৰ্যালয়ত উপস্থিত হৈছে ।

উল্লেখ্য যে ড৹ মনমোহন সিঙৰ সন্মানত দিল্লীৰ কাশ্মীৰী গে'টৰ নিগম্বোধ ঘাটত অন্তিম যাত্ৰাৰ প্ৰস্তুতি চলি আছে । ইয়াৰ পিছতে শনিবাৰে ড৹ মনমোহন সিঙৰ অন্তিম সংস্কাৰ সম্পন্ন হ'ব । ইয়াৰ পূৰ্বে প্ৰাক্তন প্ৰধানমন্ত্ৰীগৰাকীৰ দিল্লীৰ বাসগৃহৰ বাহিৰত বহু লোকে অন্তিম শ্ৰদ্ধা নিবেদন কৰে ।

#WATCH | Delhi | Mortal remains of former Prime Minister #DrManmohanSingh being taken to AICC headquarters.

The mortal remains will be kept there for the party workers to pay their last respects. pic.twitter.com/TloxL0rAcW

— ANI (@ANI) December 28, 2024

পূব দিল্লীৰ এগৰাকী বাসিন্দা যশমীতে কয় যে তেওঁ স্বামী হাতেন্দ্ৰ পালৰ সৈতে মনমোহন সিঙক শ্ৰদ্ধাঞ্জলি জনাবলৈ আহিছে । তেওঁ ভাৰতক বিশ্ব বিখ্যাত কৰাৰ বাবে মনমোহন সিঙক কৃতিত্ব দিয়ে । আনহাতে, দিল্লী যান-বাহন আৰক্ষীয়ে প্ৰাক্তন প্ৰধানমন্ত্ৰী ড৹ মনমোহন সিঙৰ অন্ত্যেষ্টিক্ৰিয়াৰ পূৰ্বে এক নিৰ্দেশনা জাৰি কৰে ।

#WATCH | Delhi | Funeral march preparations underway at Nigambodh Ghat ahead of the last rites of former Prime Minister Dr Manmohan Singh

Former PM Dr Manmohan Singh died on 26th December at AIIMS Delhi. pic.twitter.com/smaZvtQDbR

— ANI (@ANI) December 28, 2024

যান-বাহন চলাচলৰ ক্ষেত্ৰত নতুন দিল্লীৰ মুখ্য পথসমূহত প্ৰতিবন্ধকতা আৰু পথ পৰিৱৰ্তনৰ কথা উক্ত নিৰ্দেশনাত উল্লেখ কৰা হৈছে । নিৰ্দেশনাত জনসাধাৰণক কিছুমান পথ পৰিহাৰ কৰিবলৈ আৰু ভিৰ নিয়ন্ত্ৰণ কৰাত সহায় কৰিবলৈ ৰাজহুৱা পৰিবহণ ব্যৱহাৰ কৰিবলৈও আহ্বান জনোৱা হৈছে ।

#WATCH | Delhi | Mortal remains of former Prime Minister #DrManmohanSingh being taken inside the AICC headquarters.

The mortal remains will be kept there for the party workers to pay their last respects. pic.twitter.com/0mdRLheRtx

— ANI (@ANI) December 28, 2024

ইয়াৰ পূৰ্বে কংগ্ৰেছ সভাপতি মল্লিকাৰ্জুন খাৰ্গেয়ে প্ৰধানমন্ত্ৰী নৰেন্দ্ৰ মোদী আৰু গৃহমন্ত্ৰী অমিত শ্বাহৰ সৈতে ফোনযোগে কথা পাতি ড০ মনমোহন সিঙৰ অন্ত্যেষ্টিক্ৰিয়া এনে এখন ঠাইত অনুষ্ঠিত কৰিবলৈ অনুৰোধ জনায়, য'ত তেওঁৰ যাতে এক স্মাৰক নিৰ্মাণ কৰিব পৰা যায় । ভাৰতীয় জাতীয় কংগ্ৰেছৰ X পোষ্টত এই কথা উল্লেখ কৰা হৈছে ।

VIDEO | Gursharan Kaur, wife of late former PM Manmohan Singh, arrives at Congress headquarters in Delhi.

(Full video available on PTI Videos - https://t.co/n147TvrpG7)#ManmohanSingh #Delhi pic.twitter.com/AopQ5Njsm0

— Press Trust of India (@PTI_News) December 28, 2024

"ভাৰতৰ প্ৰাক্তন প্ৰধানমন্ত্ৰী ড০ মনমোহন সিঙৰ দুখজনক মৃত্যুৰ পৰিপ্ৰেক্ষিতত মই এই কথা লিখিছো । আজি পুৱা আমাৰ টেলিফোনিক কথোপকথনত প্ৰস্তাৱ দিয়য়া হৈছে, য'ত মই ড৹ মনমোহন সিঙৰ অন্তিম সংস্কাৰ অনুষ্ঠিত কৰিবলৈ এক বিশেষ স্থান নিৰ্ধাৰণ কৰিবলৈ অনুৰোধ জনাইছিলো, যিটো কাইলৈ অৰ্থাৎ 28 ডিচেম্বৰত তেওঁৰ চিৰ বিশ্ৰামস্থলীত অনুষ্ঠিত হ'ব আৰু যিটো হ'ব ভাৰতৰ মহান সন্তানগৰাকীৰ স্মাৰকৰ বাবে এক পবিত্ৰ স্থান হ'ব । এই স্থান টুকুৰা পৰম্পৰা অনুসৰি প্ৰাক্তন প্ৰধানমন্ত্ৰীসকলৰ অন্ত্যেষ্টিক্ৰিয়াৰ ঠিক কাষতে থকা স্মাৰক স্থান ।" খাৰ্গেয়ে তেওঁৰ পত্ৰত উল্লেখ কৰে ।

#WATCH | Delhi: Lok Sabha LoP & Congress MP Rahul Gandhi and Congress MP Priyanka Gandhi Vadra pay last respects to former Prime Minister #DrManmohanSingh at AICC Headquarters. pic.twitter.com/4iLrAXsqsZ

— ANI (@ANI) December 28, 2024

খাৰ্গেয়ে লগতে কয় যে এটা স্মাৰক এনে এগৰাকী নেতাৰ বাবে উপযুক্ত শ্ৰদ্ধাঞ্জলি হ'ব, যিগৰাকী নেতাই শূন্য পটভূমিৰ পৰা উত্তৰণ ঘটাই অপৰিসীম মৰ্যাদাৰ ৰাজনীতিবিদ হৈছিল । ইফালে কেবিনেট বৈঠকৰ পিছতে গৃহমন্ত্ৰী অমিত শ্বাহে কংগ্ৰেছ সভাপতি খাৰ্গে আৰু প্ৰয়াত ড৹ মনমোহন সিঙৰ পৰিয়ালক জনায় যে চৰকাৰে স্মাৰকৰ বাবে স্থান আৱণ্টন কৰিব ।

সেই মতে গৃহ মন্ত্ৰণালয়ে জনোৱা অনুসৰি, শনিবাৰে পুৱা ১১.৪৫ বজাত সম্পূৰ্ণ ৰাষ্ট্ৰীয় মৰ্যাদাৰে নতুন দিল্লীৰ নিগমবোধ ঘাটত ড০ মনমোহন সিঙৰ অন্তিম সংস্কাৰ সম্পন্ন কৰা হ'ব । ড৹ মনমোহন সিঙৰ ৰাজনৈতিক কেৰিয়াৰ কেইবা দশকজুৰি আছিল । তেওঁ ১৯৯১ চনৰ পৰা ১৯৯৬ চনলৈ বিত্তমন্ত্ৰীকে ধৰি উল্লেখযোগ্য পদবীত আছিল ।

এই সময়ছোৱাত তেওঁ ভাৰতৰ অৰ্থনীতি পৰিৱৰ্তন কৰাৰ বাবে অৰ্থনৈতিক সংস্কাৰৰ নেতৃত্ব দিছিল । তেওঁ ২০০৪ চনৰ পৰা ২০১৪ চনলৈ অটল বিহাৰী বাজপেয়ীৰ পিছত ভাৰতৰ ত্ৰয়োদশ প্ৰধানমন্ত্ৰী হিচাপে কাৰ্যনিৰ্বাহ কৰিছিল । তেওঁৰ কাৰ্যকাল বিশেষকৈ অৰ্থনৈতিক সংকটৰ সময়ত তেওঁৰ স্থিৰ নেতৃত্ব আৰু ভাৰতৰ অৰ্থনীতিৰ আধুনিকীকৰণত তেওঁৰ অৱদানৰ বাবে স্মৰণীয় ।

আনহাতে, অভূতপূৰ্ব বিকাশ আৰু আন্তঃৰাষ্ট্ৰীয় স্বীকৃতিৰ সময়ৰ মাজেৰে ভাৰতক নেতৃত্ব দি দ্বিতীয় কাৰ্যকালৰ পিছত ড৹ মনমোহন সিঙে ৰাজহুৱা জীৱনৰ পৰা অৱসৰ লয় । ২০১৪ চনত কংগ্ৰেছ নেতৃত্বাধীন ইউ পি এ সাধাৰণ নিৰ্বাচনত পৰাজিত হোৱাৰ পিছত নৰেন্দ্ৰ মোদী তেওঁৰ উত্তৰাধিকাৰী হয় ।

লগতে পঢ়ক :অসম চুক্তি ৰূপায়ণত মনমোহন সিঙে গ্ৰহণ কৰিছিল গুৰুত্বপূৰ্ণ ভূমিকা - MANMOHAN SINGH AND ASSAM

লগতে পঢ়ক :বৈদেশিক নীতিৰ ক্ষেত্ৰত কেনে আছিল মনমোহন সিঙৰ দৃষ্টিভংগী ? - FOREIGN POLICY OF MANMOHAN SINGH