হায়দৰাবাদ: নাছাৰ পাৰ্কাৰ ছ’লাৰ প্ৰ’বে সূৰ্যৰ আটাইতকৈ ওচৰলৈ গৈ নতুন অভিলেখ সৃষ্টি কৰিলে । আমেৰিকাৰ মহাকাশ সংস্থাই ঘোষণা কৰিছে যে মহাকাশযানখন নিৰাপদ আৰু স্বাভাৱিকভাৱে চলি আছে । 24 ডিচেম্বৰত এই কৃতিত্ব লাভ কৰিছিল যেতিয়া মহাকাশযানখন সূৰ্যৰ পৰা মাত্ৰ 38 লাখ মাইল (61 লাখ কিলোমিটাৰ) দূৰত্বত আহিছিল ।
আমেৰিকাৰ মহাকাশ সংস্থা নাছাই শুকুৰবাৰে ঘোষণা কৰে যে তেওঁলোকৰ পাৰ্কাৰ ছ’লাৰ প্ৰ’ব মহাকাশযান সূৰ্যৰ আটাইতকৈ ওচৰলৈ গতি কৰিছে । কেৱল সেয়াই নহয়, মহাকাশযান সম্পূৰ্ণ নিৰাপদ আৰু নাছাই মহাকাশযানখনৰ সৈতে যোগাযোগ স্থাপন কৰিছে বুলি জনোৱাৰ লগতে ইয়াক ঐতিহাসিক মুহূৰ্ত বুলি অভিহিত কৰিছে ।
Parker Solar Probe has phoned home!
— NASA Sun & Space (@NASASun) December 27, 2024
After passing just 3.8 million miles from the solar surface on Dec. 24 — the closest solar flyby in history — we have received Parker Solar Probe’s beacon tone confirming the spacecraft is safe. https://t.co/zbWT7iDVtP
ঐতিহাসিক কৃতিত্বৰ অধিকাৰী মহাকাশযান
এতিয়ালৈকে কোনো মহাকাশযান এই নাছাৰ মহাকাশযানখনে যিমান দূৰত্ব লাভ কৰিছে, সেই দূৰত্বত উপনীত হ’ব পৰা নাই । জ্বলি থকা সৌৰ জুইকুৰাৰ মাজতে এই মহাকাশযানখন ওলাই আহিছিল । নাছাই দাবী কৰিছে যে মহাকাশযানখনে 1 জানুৱাৰীত নিজৰ অৱস্থানৰ বিষয়ে বিশদ টেলিমেট্ৰি তথ্য প্ৰেৰণ কৰাৰ সম্ভাৱনা আছে ।
Parker Solar Probe has made history.
— NASA Sun & Space (@NASASun) December 27, 2024
After seven days of silence, Parker has resumed communication with Earth, confirming it's healthy after soaring just 3.8 million miles from the solar surface — the closest a human-made object has ever been to a star.https://t.co/YgLBDsRlGy pic.twitter.com/UMCNq0BzhA
অত্যন্ত গৰম বতৰত কেইবাদিনো উৰণৰ পাছত নাছাৰ পাৰ্কাৰ ছ’লাৰ প্ৰ’ব মহাকাশযানখনে সূৰ্যৰ আটাইতকৈ ওচৰৰ বিন্দুত উপনীত হোৱাৰ লগে লগে নাছাৰ সৈতে যোগাযোগ হেৰুৱাই পেলায় । নাছাৰ বিজ্ঞানীসকল আতংকিত হৈ পৰিছিল । সূৰ্যৰ জুইত ই ধ্বংস হৈ পৰিব বুলি আশংকা আছিল । সকলো বিজ্ঞানীয়ে মহাকাশযানখনৰ পৰা অহা সংকেতলৈ অপেক্ষা কৰি আছিল । 28 ডিচেম্বৰৰ পুৱা 5 বজাত প্ৰথম সংকেত পোৱাৰ সম্ভাৱনা আছিল । কিন্তু তাৰ আগতে বৃহস্পতিবাৰে নিশা পাৰ্কাৰ ছ’লাৰ প্ৰ’বে বিজ্ঞানীসকললৈ এটা বাৰ্তা প্ৰেৰণ কৰিছিল, যিটো দেখি বিজ্ঞানীসকলে আনন্দ প্ৰকাশ কৰে । তেওঁলোকে ঘোষণা কৰিলে যে আমাৰ সৌৰ প্ৰ’বটো বাচি গৈছে আৰু সম্পূৰ্ণ নিৰাপদ ।
This is a scorching hot take—so hot I recommend donning the Parker Solar Probe’s heat shield before reading.https://t.co/3imZeXgfs0
— Eric Berger (@SciGuySpace) December 26, 2024
পাৰ্কাৰ ছ’লাৰ প্ৰ’বে ক’ৰ’নাত প্ৰৱেশ
বিশেষজ্ঞসকলৰ মতে, মহাকাশযানখন বৰদিনৰ এদিন পূৰ্বে সূৰ্যৰ বাহিৰৰ বায়ুমণ্ডল ক’ৰ’নাত প্ৰৱেশ কৰিছিল যদিও চৰম উষ্ণতা আৰু বিকিৰণৰ মাজতো মহাকাশযানখন সক্ৰিয় হৈ থাকিল । এতিয়া নাছাৰ বিজ্ঞানীসকলে কৈছে যে মহাকাশযানখন ওলাই আহিছে ।
মহাকাশযানখনে ইয়াৰ ক্ল’জ ব্ৰাছ (ক’ৰ’না ফ্লেয়াৰ) সম্পূৰ্ণ হোৱাৰ পিছত অন্ততঃ ছেপ্টেম্বৰ মাহলৈকে এই দূৰত্বত সূৰ্যক প্ৰদক্ষিণ কৰিব বুলি আশা কৰা হৈছে । এইখনেই হৈছে মানুহে নিৰ্মাণ কৰা সৰ্বাধিক দ্ৰুততম মহাকাশযান । বিজ্ঞানীসকলে আশা কৰিছে যে পাৰ্কাৰে সংগ্ৰহ কৰা তথ্যই তেওঁলোকক বুজিবলৈ সহায় কৰিব যে কেনেকৈ সূৰ্যৰ বাহিৰৰ বায়ুমণ্ডল ইয়াৰ পৃষ্ঠতকৈ শ শ গুণ বেছি উষ্ণ আৰু সৌৰ বতাহে কেনেকৈ সূৰ্যৰ পৰা অহৰহ আঁতৰি যোৱা আধানযুক্ত কণাবোৰক ঠেলি দিয়ে ।
পাৰ্কাৰ ছ’লাৰ প্ৰ’ব 980 ডিগ্ৰী চেলছিয়াছ উষ্ণতা সহ্য কৰিব পৰাকৈ ডিজাইন কৰা হৈছে । ইয়াৰ দ্বাৰা প্ৰদান কৰা তথ্যই প্ৰকাশ কৰিব যে সূৰ্যৰ ক’ৰ’নাত থকা যিকোনো পদাৰ্থ কেনেকৈ লাখ লাখ ডিগ্ৰী চেলছিয়াছ পৰ্যন্ত গৰম হয় । ইয়াত সূৰ্যৰ পৰা নিৰ্গত হোৱা গেছবোৰ কিয় ইমান গৰম আৰু ইয়াৰ পৰা তাপ কেনেকৈ ওলাই যায় সেই বিষয়ে অধ্যয়ন কৰা হ’ব ।
