Azadi ka Amrit Mahotsav, লাহোৱালত BJP যুৱ মৰ্চাৰ বাইক ৰেলী

সমাগত স্বাধীনতা দিৱস(75th Independence Day) । স্বাধীনতা দিৱস উদযাপনৰ বাবে দেশজুৰি ব্যাপক প্ৰস্তুতি দেখিবলৈ পোৱা গৈছে । বিশেষকৈ ঘৰে ঘৰে ত্ৰিৰংগ পতাকা কাৰ্যসূচী ৰূপায়ণ কৰিবলৈ তৎপৰ হৈছে কেন্দ্ৰীয় আৰু ৰাজ্য চৰকাৰ(Azadi ka Amrit Mahotsav) । দেশ তথা ৰাজ্যৰ বিভিন্ন প্ৰান্তৰ সমান্তৰালভাৱে লাহোৱালতো ঘৰে ঘৰে  ত্ৰিৰংগ পতাকা কাৰ্যসূচী সফল কৰাৰ উদ্দেশ্যে হাতত ৰাষ্ট্ৰীয় পতাকা লৈ বিজেপি যুৱ মৰ্চাই এক বাইক ৰেলী বাহিৰ কৰে । লাহোৱাল যুৱ মৰ্চাৰ সভাপতি হেমন্ত বৰুৱা, উপ-সভাপতি অংকুৰ দত্ত আৰু সম্পাদক জীৱন গোহাঁইৰ নেতৃত্বত লাহোৱাল বিজেপিৰ কাৰ্যলয়ৰ পৰা লাহোৱালৰ কেইবাটাও অঞ্চলত বাইক ৰেলীৰে ভ্ৰমণ কৰা হয় । উক্ত বাইক ৰেলীৰ জৰিয়তে গৌৰৱোজ্বল ৭৫ বছৰীয়া দেশৰ স্বাধীনতা দিৱস উপলক্ষে অঞ্চলটোৰ প্ৰত্যেক ঘৰৰ নাগৰিককে একোখনকৈ ৰাষ্ট্ৰীয় পতাকা উত্তোলন কৰাৰ লগতে দেশৰ প্ৰতি শ্ৰদ্ধাশীল হ'বলৈ আহ্বান জনোৱা হয় ।