মানৱ শৃংখলৰে প্ৰতীক চিহ্ন বনাই আজাদী কা অমৃত মহোৎসৱ

ভাৰতৰ স্বাধীনতাৰ 75 বছৰ পূৰ্তি উপলক্ষে এতিয়া সমগ্ৰ দেশতে আজাদী কা অমৃত মহোৎসৱ (Azadi Ka Amrit Mahotsav) পালন কৰা হৈছে । আজাদী কা অমৃত মহোৎসৱৰ উপলক্ষে ঘৰে ঘৰে জাতীয় পতাকা (Har Ghar Tiranga) অভিযানক সফল কৰি তোলাৰ বাবে ৰাজ্য চৰকাৰে বিভিন্ন পদক্ষেপ গ্ৰহণ কৰিছে । ইয়াৰ লগতে সংগতি ৰাখি ডিমা হাছাও জিলাতো ঘৰে ঘৰে জাতীয় পতাকা অভিযানক সফল কৰি তোলাৰ বাবে বিভিন্ন কাৰ্যসূচী ৰূপায়ন কৰা হৈছে (Azadi Ka Amrit Mahotsav celebration at Dima Hasao) ৷ হাফলং কেন্দ্ৰীয় বিদ্যালয়ৰ ছাত্ৰ-ছাত্ৰী আৰু অসম ৰাইফলছৰ জোৱানে শনিবাৰে মানৱ শৃংখলৰ জৰিয়তে আজাদী কা অমৃত মহোৎসৱৰ প্ৰতীক চিহ্ন বনাই এক অনবদ্য প্ৰদৰ্শন কৰে । ইপিনে প্ৰধানমন্ত্ৰী নৰেন্দ্ৰ মোদী আৰু মুখ্যমন্ত্ৰী হিমন্ত বিশ্ব শৰ্মাৰ আহ্বানক সঁহাৰি জনাই ডিমা হাছাও জিলাত ঘৰে ঘৰে জাতীয় পতাকা(Har Ghar Tiranga) অভিযানক সফল কৰি তোলা হৈছে ৷ সমগ্ৰ চহৰখনৰ ঘৰে ঘৰে, দোকান পোহৰ সকলোতে এতিয়া জাতীয় পতাকা উত্তোলন কৰা হৈছে ।