সুস্বাদু কেক বনাই লিমকা বুক অফ ৰেকৰ্ডছত অসম ডাউন টাউন বিশ্ববিদ্যালয়ে

ভিন্ন সোৱাদৰ কেক প্ৰস্তুত কৰি এইবাৰ লিমকা বুক অফ ৰেকৰ্ডছত নাম খোদিত কৰিলে মহানগৰীৰ পানীখাইতিস্থিত অসম ডাউন টাউন বিশ্ববিদ্যালয়ে (New record of Assam Down town University) । ৩ ঘণ্টা ৪২ মিনিট ৪৩ চেকেণ্ডত ভিন্ন প্ৰকাৰৰ ৫১৭ বিধ কেক প্ৰস্তুত কৰি নতুন অভিলেখৰ অধিকাৰী হয় বিশ্ববিদ্যালয়খন (Assam down town University Achieves Limca Book of Record)৷ ইয়াৰ পূৰ্বে ৮ ঘন্টাত ২৫১ বিধ কেক প্ৰস্তুত কৰি অভিলেখৰ গৰাকী হৈছিল গুজৰাট । বুধবাৰে অসম ডাউন টাউন বিশ্ববিদ্যালৰ (Department of hospitality and Management) প্ৰৱক্তা জ্যোতিৰ্ময় চৌধুৰী আৰু মৃদুপৱন ৰাভাৰ নেতৃত্বত 'টিম লাচিত' নামৰ ২৫ জনীয়া এটা দলে এই অভিলেখ গঢ়িবলৈ সক্ষম হয় । পুৱা ১০ বজাৰ পৰা আৰম্ভ হোৱা লিমকা বুক অফ ৰেকৰ্ডছৰ অভিলেখৰ ৰণ সম্পন্ন হয় ১ বাজি ৪৪ মিনিটত । অভিলেখ গঢ়াৰ এই ৰণত নিৰীক্ষক হিচাপে উপস্থিত থাকে অসম আৰক্ষীৰ যুটীয়া আৰক্ষী আয়ুক্ত পাৰ্থ সাৰথি মহন্ত, অসম ডাউন টাউন বিশ্ববিদ্যালৰ আচাৰ্য ড৹ এন এন দত্তৰ লগতে বহুকেইগৰাকী বিশিষ্ট ব্যক্তি ৷