কাছমাৰী ঘাটত আৰম্ভ দেৱী বিসৰ্জনৰ প্ৰক্ৰিয়া

আজি বিজয়া দশমী । ধৰাৰ বুকুৰ পৰা আজি স্বৰ্গলৈ উভতি যাব দেৱী দুৰ্গা । দেৱী বিসৰ্জনৰ বাবে মহানগৰীত মহাবাহু ব্ৰহ্মপুত্ৰৰ ঘাট সমূহত তৈয়াৰ কৰা হৈছে প্ৰস্তুতি ৷ মাছখোৱাস্থিত কাছমাৰী ঘাটতো অনুৰূপ দৃশ্য ৷ কাছমাৰী ঘাটত পুৱা 8 বজাৰ পৰাই বিসৰ্জন প্ৰক্ৰিয়া আৰম্ভ হৈছে । ইতিমধ্যে কাছমাৰী ঘাটত বিসৰ্জন কৰা হৈছে মহানগৰীৰ বিভিন্ন পূজা মণ্ডপৰ প্ৰতিমা সমূহ ৷ পুৱাৰ ভাগত অহা বৰষুণ জাকে ঘাট সমূহৰ কিছু ক্ষতি সাধন কৰাত ঘাট সমূহ পুনৰ মেৰামতি কৰে জিলা প্ৰশাসনে । এইবাৰ কাছমাৰী ঘাটত প্ৰায় ৩৫০ টাকৈ প্ৰতিমা বিসৰ্জন কৰা হ'ব ।