কলগাছিয়াৰ ভেৰাগাঁৱত ড্ৰাগছসহ গ্ৰেপ্তাৰ সৰবৰাহকাৰী

আৰক্ষীৰ কঠোৰ অভিযানৰ মাজতো ৰাজ্যৰ ভিন্ন স্থানত অব্যাহত আছে ড্ৰাগছৰ সৰবৰাহ ৷ এইবাৰ কলগাছিয়াৰ ভেৰাগাঁৱত গ্ৰেপ্তাৰ দুটা ড্ৰাগছ সৰবৰাহকাৰী । ড্ৰাগছ সৰবৰাহকাৰী দুটাৰ পৰা ৯ টাকৈ পেকেটত ১০৮ গ্ৰাম ব্ৰাউন চুগাৰ জব্দ কৰে আৰক্ষীয়ে ৷ সৰবৰাহকাৰী দুটা ক্ৰমে জনীয়াৰ জেহেৰুল ইছলাম ওৰফে জাকিৰ হুছেইন আৰু আবুছামা । কলগাছিয়া আৰক্ষীয়ে এক গোপন সূত্ৰৰ ভিত্তিত অভিযান চলাই নিশা প্ৰায় তিনি বজাত ঘৰৰ পৰা গ্ৰেপ্তাৰ কৰে জেহেৰুল ইছলাম আৰু আবুছামাক ৷ এই অবৈধ ব্যৱসায়ৰ লগত খৰিচালা বজাৰৰ ফজল প্লাষ্টিক নামৰ আন এজন ব্যক্তি জড়িত থকা বুলি মন্তব্য কৰিছে সৰবৰাহকাৰী দুটাই ।