গুৱাহাটী: গুৱাহাটীৰ খাৰঘুলিৰ জলবিস্ফোৰণ ঘটনাত ক্ষতিগ্ৰস্ত পৰিয়াললৈ সাহায্য । মুঠ ১১,৯৬,৫০০ টকাৰ ক্ষতিপূৰণ আগবঢ়োৱা হৈছে ক্ষতিগ্ৰস্ত ২৩ টা পৰিয়াললৈ । ক্ষতিগ্ৰস্তক ক্ষতিপূৰণ দিয়াৰ তালিকা প্ৰকাশ কৰে গুৱাহাটী জল বোৰ্ডে । ঘটনাৰ দিনাই অৰ্থাৎ বৃহস্পতিবাৰে চাৰিটা পৰিয়ালক সাহায্য প্ৰদান কৰা হৈছিল । ২৩ টা পৰিয়াললৈ ক্ষতিপূৰণ আগবঢ়োৱা হৈছে ।
উল্লেখ্য যে গুৱাহাটীৰ খাৰঘূলিত জাইকাৰ পানীৰ পাইপ ফুটি বৃহস্পতিবাৰে পুৱা ভয়াৱহ পৰিস্থিতিৰ সৃষ্টি হৈছিল । ফলত বিপদাপন্ন হৈ পৰে বহু পৰিয়াল । ঘৰ তথা সম্পত্তি তচনচ হৈ পৰা অঞ্চলটোৰ ক্ষতিগ্ৰস্ত পৰিয়াললৈ গুৱাহাটী জল বোৰ্ডে বৃহস্পতিবাৰে নিশাই ক্ষতিপূৰণ দিয়ে । আক্ৰান্তসকলৰ মাজৰ ৪ টা পৰিয়াললৈ জল বোৰ্ডে ১.২০ লাখ টকাকৈ ক্ষতিপূৰণ প্ৰদান কৰিছিল ।
বৃহস্পতিবাৰে নিশাই গুৱাহাটীৰ মেয়ৰ মৃগেণ শৰণীয়াই ক্ষতিগ্ৰস্ত পৰিয়াল কেইটাক এই ক্ষতিপূৰণ প্ৰদান কৰিছিল । জাইকাৰ 'জলবোমা’ত বিধ্বস্ত পৰিয়ালসমূহৰ ভিতৰত আনোৱাৰ হুছেইন, আবু ফাতেহ আহমেদ, মৌমিন শ্বেখ আৰু বিনীতা দাসৰ পৰিয়ালক ১.২০ লাখ টকাকৈ মুঠ ৪.৮০ লাখ টকাৰ ক্ষতিপূৰণ দিয়া হৈছিল । পুনৰ ২৩ টা পৰিয়াললৈ ক্ষতিপূৰণ আগবঢ়োৱা হৈছে ।
সেই অনুসৰি -
- আনোৱাৰ হুছেইনলৈ ৫ হাজাৰ টকা,
- আব্দুল ফাৰুকলৈ ৫ হাজাৰ টকা,
- মহম্মদ মুছতাফালৈ ৫ হাজাৰ টকা,
- ছদ্দাম আলমলৈ ৫ হাজাৰ টকা,
- ৱাহিদা বেগমলৈ ১.২৫ লাখ টকা,
- ৰাজু কাজিলৈ ৫ হাজাৰ টকা,
- কমলা দেৱীলৈ ৫ হাজাৰ টকা
- ৰাজল আলীলৈ ৫ হাজাৰ টকা
- আবু ফাতেহ আহমেদলৈ ৫ হাজাৰ টকা,
- আবু জাকিৰ আহমেদলৈ ৫ হাজাৰ টকা,
- টুনটুনি দাসলৈ ১.২৫ লাখ টকা,
- ৰাধিকা দাসলৈ ১.২৫ লাখ টকা,
- মানি বৰ্মনলৈ ১.২৫ লাখ টকা,
- টিংকু দাসলৈ ১.২৫ লাখ টকা,
- মৌমিন শ্বেখলৈ ৫ হাজাৰ টকা,
- মাৰফট আলীলৈ ৫ হাজাৰ টকা,
- ফাগুনি ডেকালৈ ১.২৫ লাখ টকা,
- বিনীতা দাসলৈ ৫ হাজাৰ টকা,
- পূৰ্ণপ্ৰসাদ উপাধ্যায়লৈ ১.২৫ লাখ টকা,
- মদিনা মছজিদলৈ ৬৫০০ টকা,
- পূৰ্বজ্যোতি অংগনবাড়ী কেন্দ্ৰলৈ ১.২৫ লাখ টকা আৰু
- হম্মদ মতিউৰ ৰহমানলৈ ১.২৫ লাখ টকা ।
২৩ টা পৰিয়াললৈ মুঠ ১১,৯৬,৫০০ টকাৰ ক্ষতিপূৰণ আগবঢ়োৱা হৈছে । উল্লেখ্য যে মন্ত্ৰী জয়ন্ত মল্লবৰুৱাই পৰ্যায়ক্ৰমে ক্ষতিগ্ৰস্তসকলক ক্ষতিপূৰণ দিয়া হ’ব বুলি সদৰী কৰিছিল । সেই অনুসৰি আজি ২৩ টা পৰিয়ালক ক্ষতিপূৰণ দিয়া হয় । উল্লেখ্য যে ভয়ংকৰ জল বিস্ফোৰণটোত হাহাকাৰ পৰিস্থিতি সৃষ্টি হোৱাৰ পিছত ঘটনাস্থলীত মহানগৰ উন্নয়ন দপ্তৰৰ মন্ত্ৰীগৰাকী উপস্থিত হৈ ক্ষতিগ্ৰস্তক ক্ষতিপূৰণ দিয়া হ’ব বুলি ঘোষণা কৰিছিল ।
