নিলয় দত্তৰ মৃত্যুত সমুজ্বল কুমাৰ ভট্টাচাৰ্যৰ শোক প্ৰকাশ

বিশিষ্ট অধিবক্তা নিলয় দত্তৰ মৃত্যুত শোক প্ৰকাশ কৰিছে সদৌ অসম ছাত্ৰ সন্থাৰ মুখ্য উপদেষ্টা সমুজ্বল কুমাৰ ভট্টাচাৰ্যই ৷ আছুৰ মুখ্য উপদেষ্টাগৰাকীয়ে দেওবাৰে নলবাৰীত উপস্থিত হৈ বিশিষ্ট আইনজ্ঞগৰাকীৰ মৃত্যুত শোক প্ৰকাশ কৰে । ড৹ সমুজ্বল কুমাৰ ভট্টাচাৰ্যই বিশিষ্ট আইনজ্ঞ, অসম চুক্তিৰ ৬ নং দফা সমিতিৰ উচ্চস্তৰীয় সমিতিৰ অন্যতম সদস্য তথা ক্ৰীড়া সংগঠক নিলয় দত্তৰ মৃত্যু অসমৰ বাবে বৃহৎ ক্ষতি বুলি উল্লেখ কৰে । ভট্টাচাৰ্যই নিলয় দত্তৰ মৃত্যুত আইন জগতৰ পৰা এটি তৰা খহি পৰিল বুলি মন্তব্য কৰাৰ লগতে ব্যক্তিগতভাৱে এগৰাকী অভিভাৱক হেৰুৱালো বুলি মন্তব্য কৰে ৷