শংখধ্বনি মহিলা সমাজে সামৰিলে বিহুৰ আখৰা

"চ'তে গৈয়ে গৈয়ে বহাগে পালেহি, ফুলিলে ভেবেলীলতা ৷ কৈ নো কৈ থাঁকোতে ওৰকে নপৰে, আমাৰে বিহুতিৰ কথা" ৷ ৰাজ্যৰ সকলো প্ৰান্তৰ দৰে আমগুৰিতো দেখা গ'ল ৰঙালীক আদৰাৰ ব্যাপক প্ৰস্তুতি ৷ শ'লগুৰিৰ শংখধ্বনি মহিলা সমাজে ৰঙালী বিহু উপলক্ষে ইতিমধ্যে জেং বিহুৰ আখৰা সমাপ্ত কৰিছে । ৰাজ্যৰ বিভিন্ন প্ৰান্তত হুঁচৰি মাৰি প্ৰশংসা বুটলিবলৈ সক্ষম হোৱা জেং বিহুৰ দলটোৱে গছৰ তলত বিহুৰ আখৰা কৰা দেখিবলৈ পোৱা গ'ল ৷