গ্ৰামাঞ্চলৰ লোকৰ সুবিধাৰ্থে এম্বুলেঞ্চ প্ৰদান সাংসদ প্ৰদ্যুৎ বৰদলৈৰ
হোজাই জিলাৰ লংকাৰ ওমপ্রকাশ প্রমীলা দেৱী সোঁৱৰণী দাতব্য ন্যাসক (Omprakash Pramila Devi Memorial Charitable Trust) নগাঁও লোকসভা সমষ্টিৰ সাংসদ প্ৰদ্যুৎ বৰদলৈয়ে (MP Pradyut Bordoloi) প্ৰদান কৰিলে এখন এম্বুলেঞ্চ । ন্যাসৰ উদ্যোগত অনুষ্ঠিত এক কাৰ্যসূচীত সাংসদগৰাকীয়ে এম্বুলেঞ্চখন (Ambulance) ওমপ্রকাশ প্রমীলা দেৱী সোঁৱৰণী দাতব্য ন্যাসৰ অধ্যক্ষ ৰোহিত কুমাৰ আগৰৱালাৰ হাতত অৰ্পণ কৰে । অনুষ্ঠানত সাংসদগৰাকীক ন্যাসৰ তৰফৰ পৰা বিশেষভাৱে আদৰণি জনোৱা হয় । সভাত লংকা মহাবিদ্যালয়ৰ অধ্যক্ষ ড° অমৰজিৎ সিং ভুঁই আৰু লংকাৰ প্রাক্তন শিক্ষক অভিজিৎ দাসকো আদৰণি জনোৱা হয় । লগতে ক'ভিড (Covid) পৰিস্থিতিত দিনে-নিশাই ন্যাসৰ তদাৰকত চলোৱা হোজাই জিলাৰ প্ৰথম আদর্শ প্রতিষেধক প্রদান কেন্দ্ৰত নিয়োজিত হৈ থকা নাৰ্চ পূর্ণিমা নাথক শ্রেষ্ঠ ক'ভিড যোদ্ধা (Covid warrior) হিচাপে সম্বর্ধনা জনোৱা হয় ।